موووضوع حلوو لي عوده
موووضوع حلوو لي عوده
السلام عليكم احبتي الدرر
قبل كم سنة كنت انا و اصدقائي نزور ام الدنيا مصر ، سمعنة عن مطعم جميل على النيل في منطقة الزمالك اسمة السرايا
عندي صديق سوري لكن مقيم في مصر ، اقترح علينة نروح هناك گال هذا مطعم رهيب يجولة بس السواح الخليج و الغربيين
و هذا المطعم تم تصوير فيه اكثر من مسلسل و فيلم و من ابرز الذين صوروا فيه عادل امام في مسلسل صاحب السعادة
رحنه وفعلاً كان المكان جميل جداً ، كان اكو فرقة موسيقية يغنون اغاني غربية و خليجية ، واحد من اصدقائي ضاج گال ليش ما يغنولنة عراقي ! ههههه
صاح على الگرسون ويگلة اريد يغنولنة عراقي ، يگلة حاظر يا بيه ، ويروح بعد مايرجع تكررت الحالة اكثر من مرة تقريباً ثلاث مرات و الجماعة مغلسين علينة ههههه
الى ان صديقي صاح گرصون و انطاه ٢٠٠ جنية مصري ، في وقتها يعادل تقريبا ٣٥$ ، فجأة الوضع تغير ، صارت الاغاني چالغي بغدادي
بعدين صار مربعات بعدين صار ناظم الغزالي على ياس خضر على حميد منصور هههههه ، طبعاً احنه خربانين ضحك لانه بقا تقريب نص ساعة يغني بس عراقي
صديقي عجبته الشغلة صاح الكَرصون مرة ثانية و انطاه ١٠٠٠ جنية مصري ، بسرعة اجوا داير ما دايرنة الموظفين ويصفگون ويصيحون العراء العراء العراء (العراق باللهجة المصرية) هههههه
الى ان صرنه اشهر طاولة في المطعم الناس كلها تباوع علينة لانه الموظفين داير ما دايرنة خخخخخ
كانت ليلة بغدادية بـ امتياز على نهر النيل هههههه
هاي صور للمطعم اخذتها من الگوگل حتى تشوفون جمال النيل و ام الدنيا ، نصيحة لكل من يعشق هذه البلاد ان اُتيحت لكَ الفرصة بزيارتها لا تتردد ابداً شعب طيب و طبيعة رائعة
هاي البارحه صار وياي موقف اريد انضف اسناني فكلت اخلط ويا المعجون كركم شوي ينضف احسن وساعه ادور بالمطبخ الكركم ماكو اختفى سألت امي الكركم ماكو اختفى منو شايله كالت اختج شالته وما ادري وين حطته صدفه ادور برفوف العلويه كلت بلكي حاطينه هنا وجان الكي علبه بيها كركم كلتلها ماما لكيته هذا هوه شوفيه كالت لا هذه اختج ماخذه منه من راحت لبيت جدها وحاطته هنا كلتلها يله المهم كركم هسه شسوي بيه راح اخذ منه نص ملعقه صغيره قابل راح اخذه كله واخذت ورحت خلطته بالمعجون مال اسنان ورحت انظف اسناني وكلت خل انظفهن اكثر من مره مادام فارغه ماعندي شي جان وره شوي تجي اختي تضحك ميته ضحك انا اتعجبت هاي شبيها كلتلها ها شبيج هيج اضحكين اتخبلتي جان تكلي اكلج هاي فرشة الاسنان انا اخذتها فركت بيها رجليانا انصدمت كلتلها شنو
وركضت وراها حمستها حمس رجعت لعبانه نفسي وانضف بأسناني اتمضمض جان اجت تضحك مره ثانيه كلت هاي يجوز تضحك على سالفة الفرشه غلست جان تكلي اكلج تره الكركم الاخذتيه مو كركم هاي خلطة تنحيف انا مسويتها وضامتها بالرفوف
جنت اتمضمض انا سمعتها رأسا ذبيت الماي كله بوجها وشبعتها سب احترك يومج الله لاينطيج
جان تحط بحلكها ماي وتركض وراي تريد تذبه عليه شون انا ذبيته عليها وبالكوه فلتت منها تكَلي انا شلي شغل صوج ماما ماكالتلج جان تكلها امي وانا شدراني بسوالفج بس انا من كد مالعبت نفسي ضليت اغلط عليها ساعه كامله والبقيه يضحكون عليه
هاي موقف بس مو كلش يضحك
جاي اسؤلف ويه صديقتي
جان اشكيله من موضوع زاعجني
هو انتي مغرورة
ف اني ابد مو مغرورة بس ما اعرف ليش الناس
تشوفني مغرورة ... والنوب ينطوه بوجهي
ف هي كالت زهراء بصراحه
حتى بلدوام بلمدرسه دوم بنات يكولن
زهراء مغرورة
ومرة وحده تباوع عليج بنص الدرس
ومن صارت فرصه كتله اهواي باوعتي بزهراء خير
جان اتكولي زهراء من تباوع ع المُدرسه وهي تشرح
نظراته تكبر وغرور وعبالك هي المُدرسه
ف بقيت اني اكلهم لا هي مو هيج
المهم كضت السالفه
وجاي نحجي
دزيت صورة الها
جان تكول جميله
رديت عليه وجان اسحك
جيت اكول
انتي اجمل
كتله
اني اجمل
سحكه والله
والنوب تعال وفضني من اللسانه
بصف الرابع اعدادي رحت ويا المدرسه سفره بوقت الغدى صديقتي كالت امشي نتغدى بمكان محد يشوفنا احسن لان زحمه ناكل كدام الناس فشفنه فد زويه بين الزرع خاليه حطينا الجدر وكعدنا ناكل ومندمجين وهدوء وفجأه جان نسمع صوت رجال من ورانا يكول ها ولجن لزمتجن ماتستحن والله عيب عليجن وجان تفلت وجوهنا درنا وجهنا ولكيناه مدرس العربي مالتنا ضلينا صافنين شنو ليش هيج يحجي صديقتي كالتله خير استاذ كال ها ادخنن بالسكته من ورانا وضل يضحك كالناله لا استاذ كال ها اي مو شفتني وضميتن الجكاره بعد لزمتجن وانوب كال خل اكعد وياكم اكل خوش كعده وعود لاتنسون ورثولي جكاره كعد اكل ويانا انوب من صار وقت الغدا مال المدرسين عزمنا احنه رفضنا بعد زحمه جان يجيب سفري من اكلهم وينطينا ويكول ها ما اجيتو تستحون ما الكم وجه امهات الجكاير
ثاني يوم بعد السفره جان واكف اباب الاداره هوه واستاذ الاسلاميه شافنا انا وصديقتي فصاحلنا رحناله كال للاستاذ الثاني تدري استاذ امجد امس لزمت ادوينه وهديوه يدخنن بالسكته لابدات بمكان حتى محد يشوفهن استاذ امجد انصدم عباله صدك كاله لا مستحيل ما اصدك انوب بنات ويدخنن ودينا وهدى لا سالفه ماتتصدك بعدين عرف الشغله شقه وهوه هم ضل يشاقينا بنفس السالفه وطبعا صارت بالصف كدام الطلاب على فكره مدرستنا الاعداديه جانت داخل الصف مختلط (ولد وبنات) واتخيلو الاحراج زين البنات سهله نوضحلهن الامر بس الولد شلون ؟؟
ماوكفت السالفه لهنا فد يوم كاعد نفتر بالساحه انا وصديقتي نفسها اجونا بنات من المتوسطه كالولنا انتن صدك ادخنن احنه ضلينا صافنين كلنالهن لا منو كاللجن هالحجي كالن استاذ خلف (طبعا استاذ خلف مدرس الكيما مال صفنا) طلعت السالفه منتشره بالادارة والمدرسين نشروها بالصفوف
المهم بشهر الثاني رحت طبقت بنفس المدرسه بس بدوام البنات بعد ماقسمو المدرسه
جنت اوصل من وقت للمدرسه فالكه مدرسين مجموعة الاولاد الي بيوتهم بغير مناطق باقين بالمدرسه رحت للادارة وطلع بوجهي نفس الاستاذ الي طلع سالفه الجكاير جان يشوفني اهلا ست دينا ام الجكاير هاي شجابج هنا كلتله استاذ اجيت اطبق هنا بس شنو بعدك مانسيت سالفة الجكاير كال لا شلون انساها وين صاحبتج هديوه بعدها ادخن لو بطلت كلتله استاذ تبنا وبطلنا من اتخرجنا كال جا هاي ريحة الجكاير منين فالمديره سمعت الحجي وضلت صافنه من راح الاستاذ دزت عليه كالت شنو ادخنين جكاير انتي وهدى طبعا هيه تعرفني جانت مدرستي بالسادس اعدادي بس ماوصلتها السالفه لان منعزله ماتختلط بالاساتذه بس اتخيلو بوقتها شلون موقفي مابين اكتم الضحك كدام مديرتي ومابين افسرلها الموضوع وكوه كوه كلتلها السالفه وضلت تضحك ماتت ضحك ما اطول عليكم طلعت من الاداره فالت وجهي وبقيت الم بالبراغي من الكَاع بس للاسف واحد من براغي حلكَي ضاع مالكَيته لذلك ماتشوفني بس اضحك لان حلكَي راخي
التعديل الأخير تم بواسطة ★ نـجـمــــة شـتـــــاء ★ ; 9/September/2016 الساعة 7:07 pm السبب: مصري انسحك
موضوع حلو ولنا عودة
رد مع اقتباس
