اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فرج قائم ال محمد
يا من للحوائج باب خل ليت
عليك الكلب بالاحزان خل ليت
مثل عباس يوم الطحت خل ليت
يشيل أجنازتك بالكاظمية
............................................
ذكرها أيام أحزانه وعدها
باجر علجسر موسى وعدها
طلعت شيعته تنطر وعدها
خبر جيته وعد هاي المسية
......................................
اريد اطحن حزنه الروح والهم
على موسى الكضة بسجن والهم
ألي الدمع والآهات والهم
بجت سابع سمه السابع رزية
.........................................
يمن طاعة الك انس وحشها
مصابك كطع احشائي وحشها
تنادي شيعتك موسى وحشها
وطلعت علة الجسر ذيج المسيه
قم وانعى من هو بالسجون قتيل
وانثر دموعك فالمصاب جليل
واعلن حدادك وارتدي ثوب الاسى
فالحزن في ليل الامام طويل
على الكاظم أنوح بليل و نهار
و اصب الدمع شبه السيل ونهار
جسم باب الحوايج ذاب ونهار
مسجون و جرع كاس المنية
امصابك نحل اعظامي ورضها
أسلي اشلون أنا روحي ورضها
بجه الحزنك سمه العليه وارضها
الهضم سجنك يا فخر الطالبية
يا من يالكاظم البسمك لاذ يامن
القلوب اعليك يا مسموم يامن
ما خاب التمسك بيك يامن
صرت باب الحوايج للبرية
لاوين سره ضعن الغرب بينه لاوين
بعد لا نوح ينفعنه و لاون
وين انروح يالكاظم ولاون
ننطي الوجه يا روح الزجية
يالكاظم البسمك لاذ يامن
الگلوب عليك يا مسموم يامن
ما خاب التمسك بيك يامن
صرت باب الحوائج للبريه
.......................................
شره ضعن الغرب بينه لاون
بعد لا نوح ينفعنه ولا ون
وين نروح يالكاظم ولا وين
ننطي الوجه يا روح الزچيه
.......................................
لعد ثغري الدهر مايوم بسام
على الغالي وعدوه ارخيص بسام
سجين الكاظم وينچتل بسام
وهو باب الحوائج للبريه
.......................................
يبن جعفر دليلي هاك نعشه
وكتنه صعب بالحسرات نعشه
انته العجسر مطروح نعشه
ونته چبد للزهره الزجيه
.......................................
يبن جعفر خفيه الگلب لاون
او صفار الهظم وجه المحب لاون
كظمنه الغيض مدري الكظم لاون
نظل ندعي الفرج يبن الزجيه
.......................................
الظالم من بُعد جابك ويسراك
ابسلاسل كيّد ايمينك ويسراك
صرت مسجون يلكاظم ويسراك
صفة جسر النوايب والمنية
.......................................
موسى من الصبر ماچـل ---- ولامال
ولازل يــوم عـــن دربـه ---- ولامال
رجانـه امعـلگ ابصـبـره ---- ولامال
تظل معـقـوده يم ابن الـزچيه
**********************
يگلبي من يهـب حـزنك ----- وراهب
لأن قـاسي الطبع دومه ----- وراهب
أمامـك عـابـــد ونـاسك ----- وراهب
لعد هاشم يظل أبن الــزچيه
*****************
الطهـر كله حليب أصبح ----- ولك دار
وركع كل الصـبــر يمك ---- ولك دار
الك مــرقــد يشع نـوره ---- ولك دار
بكل گلوب خدام الـــــزچيه
لفكَد موسى الحزن رفت علامه
بغيــابه العين دم هلت عـــلامه
خلّه الســـــندي بالكاظم علامه
ســــطره خد الأمام أبن الدعيه
************
لمُصابك ياغريب الظهر حنّيت
من دم البيـــــابي الراس حنّيت
حن الفـــــــاكده ياموسى حنّيت
من جــــاني الخبر جثتك رميه
************
بعــدك هـالوكت لاحله ولاطـــاب
يموسى وجـرحي لاهود ولا طاب
عسى بكلبي الفـرح لامر ولاطاب
عُكَب عينـك يبن ســــــــيد البريه
عظم الله اجورنا واجوركم باستشهاد الامام موسى الكاظم (عليه السلام)
رد مع اقتباس
