ابوذيـــــــــــــات بحق مولاي ( موسى ابن جعفر )

بسم الله الرحمن الرحيم
أبوذيات بمناسبة وفاة الامام ( موسى بن جعفر ) عليهما السلام

السلام عليكم ورحمة الله وبركاته
اللهم صل على محمد وال محمد
نعزي مولانا صاحب العصر والزمان والمراجع العظام
ونعزيكم وايانا بأستشهاد كاظم الغيظ وراهب ال محمد
الامام ( موسى بن جعفر ) عليهما السلام

***************
هظم روحي على المسموم شلهه
غير ابــﭼـاهه والونات شلهه
جنازه والجسر مطروح شلهه... ((شالهه ))
حماميل أربعه لبن الزﭼيه

***************
سنين البسجن عسرن يمرهن
على الكاظم لسع ﭼبده يمرهن
ساعات النزع وحده يمرهن
مسموم أيتگلب عالوطيه
***************
علي جار الدهر لهلي مردني
حرمني شوفة أعيالي مردني
أون وسم البﭼبدي مردني
وحبس هاون جرعني المنيه

*************
يبو طلبه الرجه أبابك يملنه
بحر الجود ماضنه يملنه
شكثر دعوات بالشده يمه النه
كشفهه وزاح كل كربه وبليه
************

ــــــــــــــــــــــ
مـصابك فطر اكليـبي وسيله
اوعلى افراكك أهل دمعي وسيله
إنـت اللي اجعـلك الله وسيله
اوبيـكم يقضي حاجات الـبريه
ــــــــــــــ

زوارك إلـك عنــوة تجـبر
يمن كـل خـاطر ابذكرك تجبر
عجيبه اشلـون هارون الـ تجبر
سقاك ابكل حقـد سم المنيـة
ـــــــــــــــــــ

ســيف الفاجعه لقليـبي موسى
اوكطع لبتوت كلها ابطرف موسى
عـلى جسر الرصافة انترك موسى
اوجـبدتـه امـوذرة ابسـم المنية
ـــــــــــــ