ابوذيات ودارميات في ذكرى استشهاد الامام موسى الكاظم
على الكاظم انوح بليل وانهار
واصب الدمع شبه السيل وانهار
جسم باب الحوائج ذاب وانهار
مسجون وجرع كاس المنيه
.......................................
مصابك نحل عظامي ورضها
اسل اشون انا روحي وارضيها
بچه لحزنك سما العليا وارضها
لهضم سجنك يا فخر الطالبية
.......................................
يالكاظم البسمك لاذ يامن
الگلوب عليك يا مسموم يامن
ما خاب التمسك بيك يامن
صرت باب الحوائج للبريه
.......................................
شره ضعن الغرب بينه لاون
بعد لا نوح ينفعنه ولا ون
وين نروح يالكاظم ولا وين
ننطي الوجه يا روح الزچيه
.......................................
لعد ثغري الدهر مايوم بسام
على الغالي وعدوه ارخيص بسام
سجين الكاظم وينچتل بسام
وهو باب الحوائج للبريه
.......................................
يبن جعفر دليلي هاك نعشه
وكتنه صعب بالحسرات نعشه
انته العجسر مطروح نعشه
ونته چبد للزهره الزجيه
.......................................
يبن جعفر خفيه الگلب لاون
او صفار الهظم وجه المحب لاون
كظمنه الغيض مدري الكظم لاون
نظل ندعي الفرج يبن الزجيه
.......................................
الظالم من بُعد جابك ويسراك
ابسلاسل كيّد ايمينك ويسراك
صرت مسجون يلكاظم ويسراك
صفة جسر النوايب والمنية
.......................................
يا من للحوائج باب خل ليت
عليك الكلب بالحزان خل ليت
مثل عباس يوم الطحت خل ليت
يشيل أجنازتك بالكاظمية .......................................
ذكرها أيام أحزانه وعدها
باجر علجسر موسى وعدها
طلعت شيعته تنطر وعدها
خبر جيته وعد هاي المسية
.......................................
اريد اطحن حزنه الروح والهم
على موسى الكضة بسجن والهم
ألي الدمع والآهات والهم
بجت سابع سمه السابع رزية
.......................................
يمن طاعة الك انس وحشها
مصابك كطع احشائي وحشها
تنادي شيعتك موسى وحشها
وطلعت علة الجسر ذيج المسيه
دارميات خاصة للإمام الكاظم (عليهِ السَّلام)
يل علجسر مطروح مالك عشيره ..... ضلت عليك الناس حيرتها حيره
نبجي او نصيح ابصوت يا ويله هارون ..... بسجونه خله النور كل عمره مسجون
مات ابسجن مسموم شوفوا الفجيعه ..... ننصب عزا المظلوم قوموا يشيعه
حزنانه روحي تريد للكاظم تروح ..... اتذوب اويه المعزين بالدمعه و النوح
كلها تصيح ابصوت يا حيدر أحضر ..... مات ابسجن هارون موسى ابن جعفر
يا راهب أهل البيت يبن الزجيه ..... قبرك يشع بالنور بالكاظميه
للكاظم ابهل يوم و نادي باسمه ..... هذا ابن حامي الجار و الزهره أمه
باب الحوائج صار بابك يمظلوم ..... تتعنى اله الزوار ياموسى كل يوم
للرضا ابهذا اليوم رحنه نواسي ..... طايح أبوه مسموم شاف المأسي
يالمهدي صحنه ابصوت يالمهدي وينك ..... ريتك على المسموم شاهدت عينك
كوم أحرس الزوار شافت مصايب ..... بالذبح و التفخيخ من هالنواصب
يالمهدي إلك ثارات الله أكبر ..... و شسوى بيك امصاب موسى ابن جعفر
رد مع اقتباس