هنا

[علي كريم سلمان]

الشاعر
علي العايدي
ـــــــــــــــــــــــــ ـــــــــــــــــــــ
صاحبي الكلش فقير
... اليحلم بخبزة شعير..
مره شفته ايبيع حسبات وجكاير..
كتله بطلت الدراسه؟؟؟
كال ماعندي قراءه وبره طلعني المدير
صاحبي بسوك المواجع يعتبر تاجر جبير
عنده عشره ويه الخناجر
اهمومه فوك اجروحه لو حطهن....سواتر
مشي كاضيها اعله رجله يكول رايح للحسين...
بهذا اعذره يستحي من الناس عيب يكول ماكو بجيبي كروه
صاحبي كلش نزيه
كون رايد تنتخيه
عنده مبدء عنده موقف والمواققف تحجي بي
لحد هذني وفاركيته
وعدت ايام وسنين وروحي نشدت عنه صدفه
ولكلب وجر حنينه وطلب ولفه
ورحت ادور عن صديقي وصاحبي الاذكر فقير
ومن بعد ما أن لكيته ؟؟
شخص ثاني تخيليته
غشني ملبوسه الحرير
وكفخني اجفوف قصره
وكال عذرا ما عرفتك انت ياهو
كتله تشاقه؟؟؟زهك طلعني بره
كال بعتك؟؟؟
روح لتراويني وجهك
انته ماضي وحقي انكرك؟؟
انه هسه بخير عايش ..ريش عندي هواي وبكيفي اطير!!!
ومن كلتله منين كل ذني جبتهن؟؟كال بفلوس الظمير!!
كتله شكراً
كال عفواً
ومن هذيج الساعه شفت الصحبه جذبه...
والعن اليوم العرفت افلان بي...
وكمت اسولف ويه روحي...؟
لاتصير احجايه حلوه صير مر ولاتحير
الكهوه مره ومعجبيها اهواي اكبر من حجمها!!
صير ذيب بجلد راعي وقلد الناي بونينك؟؟
حته لاواحد يخدعك!!
ولن احس جف اعله متني؟؟
باوعت واحد طويل اتأكدت لنه ضميري كتله ها شتريد مني؟؟؟
كال ماعوفك وحقك
مستحيل اتخون ربعك
انت واحد كلبك ابيظ هذا حجيك ماينفعك...
مايلوك الريش السود لنوارس
بالك اتهم باليخونك..عيش طش الدنيه واهس
انته وحده من المدارس
الطالب العاف الدراسه ..مايحرك شعره من راس المدارس
الدنيا مو لهنا وخلصت..
الزغير الراد يكبر خلي يكبر بالضمير
واليعيش بغير صاحب...يكضي كل عمره فقير

[مرام الحب]

روعات