امد روحي بتواضع جسر للطيبين
وعلى المغرور طبعي بقوتي اتكبر
اذا صاعد جبل باوع بعين الناس
تره اليصعد جبل من يرتفع يزغر
انه المنحر اذا عديت روحك سيف
لسان السيف طبعه يقبل المنحـــر
حللها اعله كيفك واعترف بعدين
من ابتدي الجلسه وافتح المحضر
مو شاعر ولكن عنتره من اغتاض
من قلمي القصايد تنتفض عسكـــر
حالف ابد باب الشعر ماعــــــديه
بس جرني غرورك والقــــلم قرر
يعلمك موقعك شنهو انته بالاعراب
حرف زايد ولالك موقــــــعً يـــُذكر
انتــه ومـوقعك واسمك تره بفلسين
ما حاســــــــب حسابك حتى بالدفتر
مـــــــــد رجلك اذا مديت كد غطاك
صــدّك هـــــــذه حجمك فيت ومكدر
مـــــو بيدي واكبرك هو انته زغير
مـــن احطـــك بالنفط شهرين ماتكبر
رد مع اقتباس
