هنا

[ناصر اسماعيل الموزاني]

{السهم الما يعجبك}
..............
السهم الما يصيبك...
هوه ليصيب
فتاوي الموت..
صارت بالمحاريب
فتاوي الموت
مشبوها..واكاذيب ...
والاعيب
وعلى الراعي الفقير..
يعربد الذيب
يكتلون الاسلام ..
باسم الاسلام
زمنه يازمن ..
هايه الاعاجيب
وشحجيلك بعد..
عن موت الانسان
أذا احجي يصاحب..
راسك يشيب
عمار وعمر..؟
فرق الالف بس
وعلى هذا الفرق...
يحصل التعذيب
وعلى هذا الفرق...
تحتز الاركَاب
الذبح انواع....
حطوله اساليب
وين اهل العقل...
والحكمه ياناس
ما طول الجرح...
في أوّله يطيب
كَبل ميطيح...
فجر الوطن ع الكَاع
والشمس الجبيره...
بعينه تغيب
عمار وعمر..
موجانوا اخوان
ووطن واحد جمع..
كل التراكيب
أحذر يا وطنه ..
الوكت دوار
وأخاف تدور....
بيك انته الدواليب
.....
كلمات
ناصر الموزاني

[last samurai]

كلمات جميلة شكرا