اللهم صلِ على محمد وال محمد وعجل فرجهم
مثل عباس صعبه اتوصفه اقـلام
چي هو گمرميوصــفه كاتب
يراد اليوصف عالم افــلاك
لأن عباس من ضمن الكواكـب
قائد بالحرب لو ماكو الحسـين
بس عباس عد حسين طــالب
رياضيات دارس يضـرب اعداد
واظن الغيره مسطرته اويحاسـب
سالب راس كلمن يمتحن بيــه
ضربته اتصيرموجب تلغي سـالب
عكس انه اعتقد والده الكـرار
حيدر چـان يشطر من يحارب
لكن هو يجمع لوشـرب ماي
چا بالديــن ماظلت مذاهب
اولون عباس نفرض ماهو مغدور
اومابين الغدر ماچـان حاجب
چا حاك ابشوارب حرمله اخيـام
اوسوه ابكربله اگبور النواصـب
ورقته الگاع بيه اسطور الاشــلاء
ترك مابيه الا الچان هــارب
خططهه اظنـه ابدم الاعداء
حتـى ايظله هامش عالجوانب
خاف الورقه تخلص يطوي الگاع
عد عبـاس يبقى اشلون واجب
وابد لتظن بطل بس چـان عباس
عصمتـه الصغره چانتله المراقب
اوعد حيدرنــه ايضا چـان تلميذ
حيدر والده وتظنـــه راسب
وبدرس العبـاده اتفوق استــاذ
في محراب حيدر چــان راهب
لذلك من حسين اتعنــه الطفوف
عرف عباس متهمه العواقب
يهوى الموت اكيدا ً گبـل ليموت
عنده الموت من اغنى المكاسب
وامام حسين چان ايقدسه عباس
وبظله المقدس چـان ذائب
نائب للحسين اينوبـه لو طاح
بس عباس ضحـه اوهو نائب
گبل ليطيح امامه اوطـاح عباس
مثل عباس متغره المناصب
حكومه حسين چان ابظله عبــــاس
وزيــر الغيره مملوءالمناقب
تكنوقراط تحكمهـــه الكفاءات
واظن عباسهه الرجـل المناسب
مما راق لي
رد مع اقتباس
المشاركة الأصلية كتبت بواسطة neo iraqi
