وفـــاة زيــــنـب العـــقيله
وين اهل الحميه .. التناديكم رقيه .. عمتي ابديرة الشام
دنت ليهه المنيه----------------------
انخه والمدمع يهل . ابكل دقيقه انـسئل
اليدنه مـوته يارقيـه. مايظـل يمـه طـفل
منين اجاوب وابتدي . الزمن ويانـه ردي
ردت هسه اهلي يجوني ليـش انه وَحدي
وصوتي ايرد عليه .. التناديكم رقيه .. عمتي ابديرة الشام
دنت ليهه المنيه
----------------------
وينـه حماي الحـمه . جدي عـمتي امآلمه
انتـه للمؤمن تحظـره ماتجي الـبت فاطمه
مو لَسلمان اگصدت . وجسمه بيديك ادفنت
والله مـوصعبه تجـيها علـي ياجـدي صـحت
عليك الله ونبيه .. التناديكم رقيه .. عمتي ابديرة الشام
دنت ليهه المنيه
----------------------
انخه ويسيـل الدمع . صعب ادريـبه الوضع
شلون انادي يالوديعه وانـتي مكسروة ظلع
زينـب ابــدار الـغـرب . حالـها جـداً صـعب
بلكت اتمـرين بيهـا اعيون عمتي اعله الدرب
نخيتچ يالزچيه .. التناديكم رقيه .. عمتي ابديرة الشام
دنت ليهه المنيه
----------------------
حقي من انعه واون . واليـشاهدني يـحن
تحـتظر اخـتك يخـوها ماتجـي عـَم ياحسن
ابغربه ظلت بت علي . والـي گال اتدللي
عالنهر گطـعو اچفوفه من گـبل ماتنـولي
ومشت اختك سبيه .. التناديكم رقيه .. عمتي ابديرة الشام
دنت ليهه المنيه
----------------------
بويه جـيَتك انتظر . عـمتي زينب تحتظر
رايده اتشوفك يبويه الك مشتاگه اشكثر
لون راسك شـافته . مـثلي هـيه شبگته
ادري تلفيها المنيه . والله لـو بـس ظمته
اشكثر مشتاگه هيه .. التناديكم رقيه .. عمتي ابديرة الشام
دنت ليهه المنيه
----------------------
صحت حماي الظعن . عمتي لا مـو بالوطن
ابغربه والموت اعتناها بالله جـيب الها چفن
من تجي من حظرتك . جيـب عـمـي رايـتك
حتـى انـته اتلـف اخيـتك لان بيـها ريحـتك
يبدر الهاشميه .. التناديكم رقيه .. عمتي ابديرة الشام
دنت ليهه المنيه
----------------------
عمتي عذبها الدهر . شافت اهوال وقهر
حسين جثه اموذريها . وابو فاضل عالنهر
النوب راحت للسبي . اميسره بـنت النبي
تحدي بايتام ابو اليمه وياها ماظل طـالبي
اشكثر شافت اذيه .. التناديكم رقيه .. عمتي ابديرة الشام
دنت ليهه المنيه
----------------------
تمت والحمد لله في ٢٤/ ٤ / ٢٠١٤
خادم الحسين وزينب
أخي الشاعر الاستاذ
حيدر تركي الكربلائي
الناشر
خادمكم
محبوب القلوب
رد مع اقتباس
المشاركة الأصلية كتبت بواسطة anoar ali
