تلاعبني جذب ما تكدر اتحداك اذا ابديها البداية تكلي بس كافي على لساني اجيت وما كدرت هواي وكلك بالاصل ما توصل شفافي اجت بيك الوقاحة وما الية تصون وخليتك رغم من خاين توافي اجافيك وابد ما تكدر الها وياي تجافيني جذب ما تكدر تجافي بعشرتك ما صفيت ولا عدلت شلون ورغماُ خلّتك في عشرتك صافي نفيته وما اخذته لقلبي وكت العوز شنو نفعك تخون وانا لك نافي على جتافي اشيلك لاتضن وافيت ولكن راد ياخذ حيفه انا جتافي جنت دافي عليك وما تمسك نار تغيرت وجذب لا ما صرت دافي امس من هدمتلي وما قبلت عليك غصب عنك بعد تبنيلي في سافي جنت اعلى الجرح تخلقلي كل اهات اريدك لا جذب هذا انا لك شافي جنت لمّن تجي لا ما اريدك لا شسوّيلك بعد مو انت هم لافي جرح ظاهر عليك وما خفيته سنين وانا بجرحك جروحي كلها لك خافي امس راج الية ولا بس ( الملبوس ) ورجّعتك نعم بس ارجعت حافي طبع ما بدّلك لو مر عجاف الكون شسويلك بعد يا طبع الخفافي صرت بيدي قلم وابكيفي افرّن بيك وصرت كلّك بعد اي تحت اشرافي
رد مع اقتباس
المشاركة الأصلية كتبت بواسطة جيلان السلطاني
