دك جرح كلبي وشلت كلبي وحجيت
دك جرح كلبي وشلت كلبي وحجيت
صحت اااخ كالي الموعد عرفته واني جيت
كمت لميت الجديد اعله العتيك وحته بيهن مره وانه اضحك بجيت
كمت لميت ازغر جروحي واخذته وياي شاهد من مشيت
وعله الموعد مانسيت يم هذيج اليبست وضلت بقايا
يم هذيج الجانت تفيي علينه تخاف من الشمس لا تسمع حجايه
يم هذيج الشافت انواع المواقف من الاوووووووول للبدايه
لان ما لحكنه ونشوف النهايه
من بدينا بيها جانت خالصه الحلقه الاخيره
وجان موضوع المسلسل ما احبك بس هوايه
والتكينه وجان جرحي وياي يمشي
والتكينه وعيني صبت حته ما شديت رمشي
بلا شلونك
بلا يكون الله بعونك
بلا شسوه الوكت بيك ويامصاب الكلب لونك
كلي اسمع
اولا ارهم بدونك
ثانيا حبيت اخونك
ثالثا
كتله انتظرني هذا شامت خاف يتورج علينه سولف بطارف عيونك
هلا شامتنه العزيز شلونهه اخوتنه الشماته
استريح خوش عتبه وداعتك
خوش فكت باب لجروحي الجديده والقديمه وداعتك
براحتك
كتله كمل كال هسه جرحي طاب
كتله سولف كال كتلك جرحي طاب
كتله حل وكت العتاب
راح اجاوب وانت اسال بالعكس نبدي الحجي
راح اركضك فوك ناري واني اغلبك منتجي
اني راح اكتب زعلنه وانته املئ كل فراغات البجي
رد مع اقتباس
المشاركة الأصلية كتبت بواسطة حيدر الطائي
