لهفتي وحسرتـــي ماتنجرع حيـل
جــن حسرة بريـئ وظلم محبوس
يم اهلـــــي واحـــس بغربة مـرات
وحــــــك ذاك الغريب الراح للطوس
قليـل ومنــك انت يعــادل هــــواي
ومن غيرك يجي بس كله منفوس
احس اعيوني فــــرغت لمن تغيب
ظلمة ونـــور وجهك جـــان فانوس
لكـن من تجينـــي مـــوش العيون
حتـــة كليبي احسة وياك متروس
وركــض لـــــو كبلت اعلية ملهوف
ركــض ايتيم لمه محصل افلــوس
مو كتلي اظل للموت وياك
اشو لا الموت اجاني ولا
اجيت انته انه رايد جواب
يريح البال كولي الموت
خاين لو خنت انته
لاتضن يوم انساك لا والخلق هود
مية سنة وارجاك واتأمل تعود
روحي شكثر تهواك وشكد تهم بيك
سعفه ويهزهه الريح من يمر طاريك
ظلمة..
وخيط أسود!
وأبرة عد عميان..
الجرح بجفاك..
صدك هيج يتخيط؟؟
محتاج استقر واضحك صدگ فد يوم ...
مو تضحك اشفافي ودمعتي بعيني ...
اكو شامخ جبل وافعاله ويه الكاع
واكو بالكاع وافعاله جبيــرة
اكو صايم يصلي بس حقد مليان
واكو يشرب خمر مليان غيرة
اكو زنكًين لكن ميّت احساس
واكو مفلس ولكن حيّ ضميرة
اكو صاحب قصر لكن ولا مرتاح
واكو مرتاح كلّش عالحصيرة
اكو ديوان لكن ماوسع ضيف
واكو خيمه ولكن تحوي ديرة
ذبل كلبي بغيابك ورقه ورقه
يسبي جمالك ورد ورقه
ردت منك حبيبي فرد ورقه
برساله شوك تبعثها اليه
كالو ضاع منك واضحك على الكال
لان لو ردت اضيعك روحي اضيعها
و اميزك لو صرت دمعه بجفن غركان
و إذا تسكت شفافك أذني تسمعها
متت بغيبتك ماتسأل شبيك
حضر تجوال عندك بالمشاعر
