علي البكري(اعلام رابطة الشعراء والكتاب الشباب في الصويرة)
(عن لسان الشاعر)
هي احرف لا تعبر سوى عن وجع عميق عانا من كبته كثيرا ثم اختار ان ينفجر على هيئة قصيده . استعرض هما عسى ان يعجبكم أحبتي أو ينطق بالنيابة عن احدكم ممن لم يهبه الله قلما ناطقا
.................................................. .....
قصيدتي كانت بعنوان الحلم وستبقى حلما حتى الرحيل
(الحلم)
ارد اكلك روح بس مابـيـه اكــــــول ..... وارد اكلك ابقه لكن ما يصير
انته قصرك عالي لا تـنـــــزل حرام ...... وللقصر لومات مايصعد فقير
ويبست احلام العشــــك وكليبي ذاب ..... وتسمع بصدري فقط صوت الصفير
كبل حـجيـك جـان لكـلـيـبي جــنـــاح ........ هسه ماعندي كلب خــاطر يطير
لا تدك عالــناي مـا تـطـربـنـي روح ........ فارس بلا مهره ما يــكـــدر يغير
وآنه مثل الفــــــــارس بـلــيه جـــواد........ صدك فارس بس ركــب رجلينه
آنـــه احــبـك يا كـمـر عـالـي بـسماي.......... ولن كتمها الكلب تـــمــطر عينه
عـالـي عـنـكـودك زهـه ووالله حــرام ........لا تعوفه ولا تنــوشــه ايــديــــنه
ادري كـلبـك راج من طــول السكوت ...... وآنه اخرس ما يفك شفـــتــــيــنه
كوي كلبك خاف مــن روجـه يـطيـح كلبي....... ما يحمل تطـــيــح عــلــينه
آنــه سـاكت مو لأن اهــوه السـكوت ......... سكتاني الظيم مـــــــال سنـــيـني
آنـــه صح سـاكت لجن عينك تشوف......... شكد سوالف هاي تهــمـــل عيني
آنـــه ردتـك والـوكـت واكـف سيـاج .......... وحيل بينك عله ســوره وبــيــني
راح اموت شـلـون يالــغــالي دريت ......... غير وجهك يـــاهـو اليــــسلــيني
يالـعـفـتـنـي بلا نـفـس وتـريـد اجيك ......... آنه ميت وانته ادرى بحــــــالــي
آنه ميـت لـجـن راح أعـدل واجـيـك ....... وكلشي يجره بيوم يأمر غالـــــي
يالشــغـلـت الـبال ظـل بـالي عـليـك ........ راح انصبك انته وامسح بـــالـــي
ردت أوصللـك لـجـن مـا بيه اطـيـر .......... شرد اطير وانت ذاك الــــعــــالي
ردت اوصلـلك لجن أوصل مـحــال .......... شجاب اهل الجنه ويه اهل السعير
يالعشكتك انته ما شايــــــــــف حياة ...... انته نايم رغد بفــــــــراش الحرير
وآنه سلبني الوكت وانظرني شوف ...... شكثر ماكل بالظهر نوم الحصيــر
ولمن شفتك بالحلم مره اجــــــــيت ...... كبال عيني من انتهه بيك المسيـــر
ردت اكلك روح بس مابيه اكول ......... وردت اكلك ابقه لكن ما يصــــــير
.................................................. ...........................................
للشــاعر : ضيف الزيدي
رد مع اقتباس
