درر العراق

ارجع يازمان · 9/May/2014

نفس الأحساس
مساجله

مريم مع حسين الساعدي

-----------------------------

مساجلة
حبنا راقي

حُبنا راقي
=========
حُبنا راقي وعَجَب الناس اشكثر
ودوخاهم حُبنا وبهذا الضهور!
وكلها تتصفن إذا نكتب شعر
والمنصه اتصفك النه ابلاشعور
مريم

___________
حُبنا رَجع قيس وبهذا الزمان
وليله رجعت بالمحبه وبالسلام!

حُبنه خَظر عافيه وحب وأمان
وِالطيور إتعلمت معنى الغرام
ااالساعدي

-------------------

أنه وانته العين تحتاج النظر
وبالله ياعين التمل انوارها!

أنه وانته الليل والحب والسهر
وبيها روحي الرادتك خطارها
مريم

---------------

أنه ونتي وبس بقينه إثنينه
وحته هاي البس بعد منريدها

احنه ما فاصل يفَرق بيينَه
احنه كمره وهاليالي اتعيدها
ااالساعدي

نفس الأحساس

-------------------

نتشارك نفس الأحساس
ونتبادل حته الأنفاس

ياقيس المشتاك الليله
وياليله الضلت تشكيله

من الشوك الما ينقاس
ونتشارك نفس الاحساس
مريم حسين

________________

حسين الساعدي

وياك الروح ابمنواها
ياروحي الرادت وياك

هالروح ورايد وياها
وبروحي اليوم اتعناك

ياروحي الما عافت روحي
وياك ابلجمات اجروحي

وخلينا ابعيد اعله الناس
ونتبادل حته الأنفاس
االساعدي

___________________

مريم حسين

حبيتك أكثر من روحي
وياروح الما بعدك روح

بغيابك وتسله ابنوحي
وياسلوه اداوي المجروح!

ابهاي العين وهاي العين
طيفك ظميته إمنسنين

ياروح البلحب تنباس
ونتبادل حته الأنفاس
مريم

_______________

حسين الساعدي

كلما أشتاك الأنفاسك
أشتم وردات البستان

ياروح الهامت بحساسك
ويا نغمه الكل الألحان

خليني ابحبك خليني
عطشان وحبك يرويني

ياكاس الما منك كاس
ونتبادل حته الأنفاس
ااالساعدي

_____________________

مريم حسين

حاجَني الوردات ابحبك
نفس البستان المريته

ويامشتاك ابلهفة كلبك
شميت الورد الشميته

وشميت أنفاسك بلورده
ياعطر الروح الما بعده

وشكد راقي اشكد حساس
ونتبادل حته الأنفاس
مريم

______________________

حسين الساعدي

صدكني وضليت ابشده
وضايع بلبستان الشفته

ومابينك ما بين الورده
دايخ ياهو المنهم انته!

نفس الريحه ونفس اللون
وحاير ضليت ومجنون

وياهي المن عدهن تنباس!
ونتبادل حته الأنفاس
ااالساعدي

مع أجمل التحايا