هنا

[صمت عاشق]

لاتحط عينك على المايشتهيك .. تصير وكحه عيون شماتك عليك ..
ولاتبيع الباعك بسعر التراب ..
يجوز يصير عنده و يشتريك ..
ولاتسلم ،، قصدي سلم بس سلامك لايطول ،،
بس يطول واهسك ينكسر لوجاوب هلا ..
ولاتحب ،، لاقصدي حب بس حب خفيف ،،
ماكوحب يفوق حب عنتره لعبله وعبله ماصارت اله ..
اليحب بأفعاله مو بلتضحيات ،،
حب صدك سمي كره حتى لوصار الكره تتحمله ..
أنا ربيتك واجه غيري خذاك ،،
وقنعت روحي غصب عني خذوك ..
وكلت قلبي دورك تنطر لكاك ،،
وشلت من بالي بحضن غيري لكوك ..
أنت غايب والسبب قلبي أشتهاك ،،
وكلت غايب لأن شمات أشتهوك ..
من جنت للبيع شو محد شراك ،،
هسه شو من صرت وياي أشتروك ..
للأسف حقد اليكرهوني عماك ،،
درو بس وياك ضعفي أستخدموك ..
يلي ماغزر ملح زادي معاك ،،
غزر بحلكي طعم ملح الدمع ..
كلهن وعودك مثل جذب السراب ،،
وي شسع نعل الصدك كلهن شلع ..
أنا عايش بس أضويلك دروب ،،
كافي مو مليت من دور الشمع ..
جروحي تستنكف تسميها جروح ،،
كبرن وأصغر جرح بيهن فرع ...

[ساهرة الليل]

جميل جدا

[عاشقة ابو تراب]

عاشت الايادي ابداع