عايش بالجذب محسوب عل العدلين
بعمري ايام اطلب جاي اكملها
امشي وانفعل واكل واشرب شوك
واحجي لروحي يمته الملكه طولها
شو جنها انتهت واللهفه شبعت موت
ورغبات احتضانك وكتي بدلها
كبرت حسرتك كامت تسولف بيك
تذكر من كلتلي بروحي ادللها
كثرن بيه حسباتك ورادن حيل
منين الحيل كلي منين اقللها
مؤمن بيك كلبي وحبك بايمان
فتاوي الفركه عنك ياهو حللها
مالت دنينتي وانت وضميرك عاد
تجي باخر محطه وياي اعدلها
الك كل المشاعر قبل الحروف
قصايد من غرام انفاسي احولها
ياجامع عشق اذن براسي احساس
اسمك بالشهاده يصيح باولها
صعدت للسما روحي وبديك الروح
لو اصعدها واخلص لو تنزلها
رد مع اقتباس
المشاركة الأصلية كتبت بواسطة منال الروح
