هـــــي صح العين عين وبس تشوف
قــــــدتكون السان يحجي وبي كــــــــــلام
آنـــــي عندي عيون مثلك شئ أكيد
بـــــــــــس فرق يهواي عنك بالـتــــــــــمام
آنــــي عندي عيون تسهر بس عليك
وانـــــت تكضي الليل عينك بس تـــــــــــنام
آنـــــي عندي عيون تحرس بين اديك
وانــــــت بيك عيون تطلقلي الســـــــــــهام
أنـــــــــــت عندك عين خنجر للحروب
وانـــــــي عندي العين مرقد للـــــــــــسلام
انـــــت عندك عين خضرة وبيها خوف
وانـــــي سود عيون بس بيهم حـــــــــــمام
انــــــــــت عندك شوف يتخرج حقود
وانــــــي عندي الشوف يتخرج غـــــــــــرام
عـــــــيني تغمز بيك حبت بس تكول
انـــــــــي معجب بيك ياأجمل خـــــــــــصام
هـــــــسه بيه عيون تصفن عالحلال
أفــــــــــتهمني ارجوك ماأقصد حـــــــــــرام
آنـــــــــي بيه عيون صلت من تصوم
وعــــــندك انت عيون فطرت بالصــــــــــــيام
انــــــــت غيري وياك عينك من تقوم
وانــــــــي كلي عيون شفتك بالقـــــــــــيام
انـــــــــــت بيك عيون ماحبت صحيح
وانــــــي عندي عيون حبت من تـــــــــــمام
مختصر وياك عندي وشئ مفيـــــــد
عندي عشك العين احلى من الكــــــــــــلام
رد مع اقتباس
