ياعيني كافي دمع كافي دمع ياعين
الراح ما اضن يجي سافر وراح ابعيد
ياعين منهو الذي يستاهل وتبجين
يعميج اضن غايتة بس الاذية ايريد
ياعين راح النضر جا بيمن اتشوفين
لا مايصح هاالوكت كل نضر ليج ايعيد
ياعين من ينفعج محد واضن تدرين
ماكو اليطيب الجرح والروح يمة اتهيد
ياعين عوفي السهرليش انتي متنامين
دموعج تضل كاالنهر بس ماتنشف الايد
ياعين كل هاالتعب ماداعي اتسهرين
اشكد مايطول السهر والتعب بيج ايزيد
ياعين ردي علي منتضرج اتردين
لو ماتشوفي ابد بس حزن بيج ايشيد
ياعين من سهرج ما ادري سافر وين
بس راد ليج التعب سافر وراح ابعيد
بقلم #الشاعرعلي_البدري
.
رد مع اقتباس
