بفضل التكنولوجيا و وجود الموبايل و الكاميرات اصبح عندنا عدد لا يحصي من الصور خصوصا لو بيبي جديد و حابين نسجل كل لحظه ليه
في فكره مميزه و هي البيبي بوك بدل فكره البوم الصور القديم
مش مجرد صور مكدسه ورا بعضها .. دي طريقه منظمه لتجميع اهم الذكريات و اكبر عدد من الصور الحلوه و بتسجلي فيه كل المعلومات عن البيبي من لحظه ميلاده و احيانا من قبلها لو عندك صور السونار
بتسجلي الوزن .. الطول ..بتسجلي كلمات تهنئه او مشاعرك انتي و باباه في الكتاب
اول يوم اتكلم فيه او مشي فيه او اول سنه ظهرت
اكتر تعبير بوجهه بيعمله و يضحككم .. بصمه كف يده و قدمه ( في الوان امنه للاطفال تقدري تستعمليها )
صوره شهريه او اسبوعيه تقدري تضيفيها زي ما موجود في الصور حتلاقي ضميتي عشرات الصور في تلات او اربع صفحات
اول شراب لبسه و اول دبوس اتحط في هدومه و سجلي اول يوم مشي فيه و اول يوم كتب و رسمه او اتنين مميزين من رسوماته
الكتاب تنفذيه باي اسكتش حجم كبير و ممكن تستخدمي قصاصات مكتوبه و ملونه من الكمبيوتر و اعاده لصقها و تزيينها بالشرائط
تقدري تدوري علي النت لافكار كتب كتير تحت اسم ال scrapbook و صراحه النت مليان ابداع في الناحيه دي
حتكون احلي هديه ليه يوم زفافه و احلي مفاجئه و ذكريات رائعه لاتنسي
رد مع اقتباس
