اكعد ياعلي عدنه اليتامه اهواي
وبالجمله يحيدر حيره حيرتهم
لسا الكاع رطبه من دموع ابعين
ومغيمه عله الصوبين دمعتهم
اكثر من مطر كانون يابو حسين
ورعيد ابعينه من اتشوفه واحدهم
لأن ذوله ابوهم راح بالتفجير
وفوك الظيم ماتت ياعلينه امهم
وغيرك من يداريهه اليتامه اتنوح
واخلافك بعد منهو اليسكتهم
جم مسؤول عدنه وجم ظمير المات
ولاواحد ظميره حركاه الهم
يغمس الكاهي يالكيمر ولااايهون
ولاهانت عليه ادموع صفنتهم
عمت عين الجفوف وجفناهه البين
وعمت عين البطون الي تكاطعهم
واكلهم لوبعد لومات الااحساس
لواحس اليتامه اتظوج احسسهم
اذا دمع اليتيم الوصل ليهم سيح
بعد شرد احجي آنه وشرد اكللهم
اكعد ياعلي اتريدك الاايتام
ولتطول يحيدر كافي ردلهم
لأن جفك جبير ويشبع الجوعان
وجن ماعون جفك وانته تشبعهم
وتشهد اليتامه ابحظنك اتبات
وعين اعله اليتامه وعين تحرسهم
ردلهم يحيدر كافي اترجاك
وانته ابعلم ربنه اهوايه تندلهم
ومثل مارحت انته الغربة الشام
ايتامك تنطرك كوم روحلهم……
صالح الناشي الديواني
رد مع اقتباس
المشاركة الأصلية كتبت بواسطة سام2
