البلد أحسن بلد
بس كون نتعشه بضوه
والبشر أحسن بشر
لو يرجع شويه لوره
والزرع أحسن زرع
لو بيده شگايه حوه
والمرض عيب نسولفه
لو نفسه جابوله الدوه
والطيب بمايه يظل
وشما خبط يبقه هوه
والرافدين مزمزمه
لو كلهه تشرب بالسوه
لعراقي لو خلگه صفه
بسواعده لدهرك لوه
وترابي علگاع الذهب
بس كلهه تحفر ليجوه
وبشمالي يعذيب الهوه
بس مو إلي هذا الهوه
شتركد أم بلا خبز
لو طفل من جوعه عوه
ولو هذا خبزك عالبشر
ما شفنه بالدنيا طوه..(طوه..جوع)
ولو هذا ليلك عللحد
يختل يطب جوه إنزوه
رد مع اقتباس
