فاركونة ربعنا " الى شهداء العراق_بقلمي وبصوت المنشد المبدع احمد جعفر عوفي
للتحميل
http://www.dorar-aliraq.net/mp3/?p=17760
فاركونة ربعنا فاركونةمشو صوب المكبرة وما ودعونة
فاركونة النحبهم فاركونة واعدونة ابجية لكن ما اجونة
:::::::::::::::::::::::::::::::::::
كل اسم عاش ابخيالي وما نسيتة """" ياشخص ما سكن بالي وضيعتة
محمد واكرم احسهم دوم يمي """"وناطق السيد ادور ما لكيتة
رحتو عن الناس واسكنتو المكابر""" شحال صحبتكم يخوتي هسة صاير
اشلون اوصف هاالحزن ودموعي تجري"" لان ياهو اللي رحل ماودعيتة
تسمعونة نكلهم تسمعونة """ مشو صوب المكبرة وماودعونة
""""""""""""""""""""""""""""""
ربعي كلهم راحو وما ودعتهم """" برمشة اعيوني ابثواني فاركتهم
عامر وطالب وحيدر وي عيسى """" سافرو صوب المنية وما شفتهم
الفركة اصحابي تراها تجري عيني "" ليلي عاش اوياي ويشارك ونيني
احسب انجومة واعدهن ارجع اردود " لان روحي اتلح علية اتسافر الهم
شنهو لونة جفنهم شنهو لونة """ مشو صوب المكبرة وماودعونة
""""""""""""""""""""""""""
لو رحت صوب النجف اسال عليهم"""ياهو من صحبتهم العدلة تجيهم
افتر اباارض المقابر اسئل اهناك"""انة لو بيدي ترى بروحي اشتريهم
وين كرار اوية احمد وينة عباس"""وين ابو فطيم نصير الشيب الراس
راسي شيب يخووتي من رحتو عني""اسئل الشيب ويجاوب اي عليهم
استقبلونة اجينة استقبلونة""" مشو صوب المكبرة وماودعونة
"""""""""""""""""""""""""""
بس صوركم ضلت وهاالذكرى عندي"""الدموع وياي هالتجري اعلى خدي
لحضةمارحتوابد دوم اعلى بالي"""حاتم و موضوعة اذكرة بيكم ابدي
كل مكان وكل وكت طاريكم اوياي """" دوم اسولف عاالخلك للرايح وجاي
يل فديتو ارواحكم للمذهب ابزود """ انتم ابطال وحملتو الراية مهدي
يعذرونة اضنهم يعذرونة""" مشو صوب المكبرة وماودعونة
""""""""""""""""""""""""""""""""
تمت بعون الله ونسالكم الدعاء بقلم الشاعر علي البدري
للتحميل
رد مع اقتباس
