سلام الله على باب الحوائج اســـد ......... بغداد
بالارض جنة وروعة سمـــــــــــا ......... بغداد
الشر غير لونهه من بيضة الرمادي
نار الغــــــــــــدر تطفى وتصبح ........... رمادي
خلي منطقك ابيض دوم وتحاشـــة ........ الرمادي
حي الله اهل الكرم والـــــجود اهل ........ الرمادي
بس لو تصعد للثريا ما تلحگ البصرة
وحگ الواســـــــــــــــــــع بسمعه و ........ بصره
وعدوي لو نظرني بشــر ماخوفني .......... بصرة
بصري انه ولحد المــوت اعشگ .......... البصرة
تواصلني بأصالتهه وبهواها موصل
سليكون بهواكم لاني عــازل لاني ......... موصل
رحمة الله عل ما گطع رحـمه ودوم ....... موصل
هايم بأرض نبي الله يونس الشگرة ........ موصل
بالغيرة جبل عالي وضميرهم مايوم جف
نشف ريجي وشما ارتوي رد انوب.......... وجف
مااشبع من زيارةعلي وحب اهل ............ النجف
گلبي سمچة وتايهه ابـــــــــــــــحر .......... النجف
يأرض العرب ومنبع الدين
شما توفي تضــــل مطــلوب للجبار ........... دين
اليواسيك بدمعته ترى حـتى الدمعة ........... ديـن
اخذ عروبة وحــــــــــلم من صلاح .......... الدين
اهل چلمة وبيـــــــــــــــــهم الوفى حله
حبيبي مرافگ الزغـــران وترك .............. حله
بالك تحرم شــــي الله بجلاله امر .............. حله
يالتسأل على الـحلو ترى الحلو ............... الحلة
شافت ضيم وقهروفوگ القهر بله
گلبك لا يجــــــــــــف وبرقتك دوم .............. بله
وهلدمعة عالـــــــــــــــجره برض ............ كربله
اسودت بوجه الحسين ونجمعت كرب.......... وبله
لامامي مابطل زيارته ومد ايدي اله
المدي ايــــده ما ستنكف منمد ............ ايدي اله
ونطي وجه ريان مثل برتقال ............. ديــــالى
ثلث الطگ للــوطن وثلثين ............ لديالـــــــى
صرح هي بداخلي ومبنية عمارة
قيمة البشر مو فلوس وسـيارة ......... وعمارة
البشرللموت يمشي شما طالت .......... عمارة
مدرسة غيرة وزلـــــم ارض .......... العمارة
للحگ فزعو فرد فزعة وكلهم ناصرينة
ثلة ارجــــــــــال سبعين لحسين ......... ناصرينه
اما من نــــــــــــــــــاصر وقلة .......... ناصرينه
بالرجال مجربة كــــــــــــــدهه ......... الناصرية
اخلاقها بالعرف مضيف وديوانية
ضيفي اله عيــــــــــوني وصدري .......... ديوانية
بالشعر اسولفله شــــــــــعر ونظلمه .......... ديوان
يالگاصد ارض الـــــــــعاصمة مر........ بالديوانية
تلگاها ابية نفس هي مثل كركوك
جميلة مكـــــــــــــــــحلة بالنفط ........... كركوك
وعيونا لطــــــــــمع كلهه على ............ كركوك
العرب گالت الي والكرد تتمــنى .......... كركوك
تندرج لقليمهم وتصبح مثل اربيل
حر البصــــــــــــرة ماينحمل ومعتدلة.......... اربيل
طبيعة وبالشــــــــــــــــــــ ــــكل اوربا ......... اربيل
اريد انشدكم ياعرب هم عـــــدكم نفس ......... اربيل
عروس الوطن ومكمل حسنهه السليمانية
مغرورة بحلاوتهه حگــــــــــــــــــها ...... السليمانية
اتفك الصدربسحرها وجبلــــــــــــــهه ..... السليمانية
جمال وحسن منــــــــــــــــــظر اهل ...... السليمانية
رد مع اقتباس
المشاركة الأصلية كتبت بواسطة Suzana
