هنا

[علاء المكتومي]

امس ظلينه نبجي ومالكينه عيون
اثاري عيونه من الكاع لموهه
اهي بس بسمه وحده وليها مشتاكين
غفله وبالعجل من عدنا باكوهه
جانت عدنا ورده ابيتنه مكيفين
مدوا جف غدرهم اله كطعوهه
هسه البيت سكته يعاتب الحيطان
تبجي الوانها وباسود يغطوهه
صور للورده بيها احتاجت التغيير
رادواللظرف فد فتره يخفوهه
تسودن حايط اهلي وبيها كمش حيل
مايرضه الجدار يصيح خلوهه
بحديقتنه البلابل بطلت تغريد
من كد ماتون عالورده سمعوهه
تغير لون ورد البي جنت تعبان
واغصانه بحزن للنار زفوهه
زعاطيطك غفو وتعطلت ماجيت
كام العابهم باسمك يسموهه
وكثر طرح السؤال المنه روحي تروح
الف مره عليك امهم يسألوهه
ماما الليل صار وبابه طول ليش
شني من سفره هذي بهضم يحجوهه
صور باوراق دفتر ظمو يراووك
الك رسمو صور رادو يراووهه
تصب الزاد امك تعزل الماعون
حصت الغالي هاي تكول ظموهه
تشت بلايه واهس تحجي وي اخيال
كلساعه بمكان اخواني يلكوهه
تعال امروتك مابيه ماظل حيل
اقبل لوتجينه وروحي رادوهه
تعال باربعينك ماشبعت افراك
عاين حصتك راحو يقسموهه
ولك كافي البعد واتعوذ الشيطان
تنتظرك تجيها الغرفه فرشوهه
جذب ماايس اني وظني يكطع بيك
شني باسود صورك خل يوشحوهه
انته بعيني عايش دار الك بالروح
هاي اتحده فنهم خل يهدموهه
واذا ماشوفك اني بدنيتي والكاك
جا جنة عدن المن يريدوهه

بقلمي

[Suzana]

جميل جدا شكرا لابداعك ورحم الله غاليك وجعل الجنة مثوااه

[spyman]

عاشت ايدك اخي الغالي على هذا الابداع

الله يرحم كل اموات المسلمين

[qas!m]

صورة شعرية رائعة لالم يمزق الصدور
رحم الله ضحاياك يا عراق الضحايا

[علاء المكتومي]

لم تكن جميلة هكذا قبل مرورك عليها سوزانه اكتسبت الجمال من تعابيرك وكلماتك الراقيه.
والحمد لله على كل حال

[علاء المكتومي]

سبايمان لك مني كل المودة ايها الاخ العزيز كلي امتنان لك ولكلماتك التي تمر كالبلسم على الجروح
شكرا لمرورك العطر

[علاء المكتومي]

نيوايها الغالي نورتني بمرورك وواسيتني بكلماتك لك مني كل المودة والحب
وحفظ الله العراق واهل العراق من كل مكروه انه سميع مجيب

[بريق الماس]

علاء انت شاعر عظيم
عاشت ايدك والله
بجيتني يااخي

[علاء المكتومي]

لا اجرى الله دموعك الا بالفرح والمسرات
لست بشاعر عظيم وانما من يلتقي بأناس مثلكم رائعين ودودين راقين مثقفين
يتعلم الكثير الكثير انما ذوقك اعظم وكلماتك ادق معنى واجمل مغزى وجمال عيونكم
وطيب انفسكم وصفاء سرائركم هو من يجمل كل ماتمرون عليه من الكلام فتحوله تعليقاتكم
الى واحة يستظل الجمال بظلها ويغفو الحسن في افيائهاوتغرد الالحان على اغصانها.شكرا بريق لانك كنت هنا

[عبير]

رحم الله غاليك وجعل مثواه الجنه
وجميل ماخط قلمك من كلمات ..تحيتي