احجيلي عنج ..؟
حوار بين صديقين احدها يحب الاخر ولكن بصمت دارت بينهما
المحاوره التاليه :
هو : اتمنى انساها صدك وتروح من بالي
اتمنى كلبي مايدك من توكف كبالي ,,
اريد احجي بس خايف اذا ماتقدر احساسي
معناها كلبي ينجرح من ايد اعز ناسي ,,؟
هي : يحجيلي همه ومايحس مو يمي تفكيره
من يحجي عنها بكل حرف تذبحني الغيره
كل ماافكر انجرح ينزل دمع عيني
بهالموقف اخر شي ردت وكتي يخليني ,,!
هو : انطيني اي حل راح اموت كوليلي اي كلمه
متعذب اني وهي ليش مااحسها مهتمه
الجرح بيه كبر مليت حب وسهر
بكد ماقهرني الوكت القهر كلبه انكسر ,,,
هي : روحلها صدكني ابد ماتخيب ضنونك
ماراح ترفض والعشك مرسوم بعيونك
لاتخاف لمن تحب حتى لو ظرفك صعب
حاجيها يمكن تحس هي هم عدها كلب ,,,؟
هو : احجيلي عنج ليش احس مقهوره مجروحه
مادام خلينا الحجي بكلوب مفتوحه ,,؟
هي : مابيه كلشي بس تعب من الزمن حيلي
راح ابتعد وياريت لو بالخير تدعيلي ,,؟!
رد مع اقتباس
المشاركة الأصلية كتبت بواسطة زاهر zahr
