دماء علي الكراريس
ياتلامذه ...قيام ..وللشهيد تعظيم سلاممين قتل أحمد ووفاء وسعيد ونبيلة ..ومنار ...........عابر عابر
جلوس ..انهارده مفيش دروس
مفيش صفوف ..مفيش حروف
مفيش كلام .غير عن الحمام
مين يعرف الحمام ؟؟؟
أنا يا أستاذ ...الحمام يعني السلام
أنا يا أستاذ ..الحمام يعني البراءه والأحلام
تمام ...تمام ..تمام
مين يعرف ايه الي في ايديه ؟؟
أكيد يا أستاذ جيبتلنا هدية
لا ياحبايبي ...يانور عينيه
مين يعرف أول حاجة ؟؟
آه ..دي كراريس
وايه تاني ؟؟
كشاكيل وأقلام ومريلة
بس ايه الي عليها دي يا أستاذ ؟؟
يا تلاميذ ..يا تلاميذ ..يا تلاميذ
افتحوا الكراريس وامسكوا الأقلام وارسموا القطار
عارفينه يا أستاذ عارفينه .بيعدي من جنبنا باستمرار
رسمتوا القطار
ذودوله السرعة يلا زي مبتسفوه بالنهار
عظيم ..عظيم انتوا دايما شطار
ارسموا في آخر الصفحة أتوبيس
مين عارفه فيكم يا شطار ؟؟
كلنا عارفينه وبنركبه يا أستاذ باستمرار
دايما ..دايما شطار
هيه ورسمتوا جوه الأتوبيس ايه يا شطار ؟؟
رسمت جواه أحمد
رسمت جواه وفاء
رسمت جواه سعيد
رسمت جواه نبيلة ومنار
شطار ..شطار
القطر قرب يا أستاذ
القطر قرب يا أستاذ
يا أستاذ ..القطار
القطار خلاص بقة في وشنا
أنا خايفه ع نبيله ومنار
أنا مش شايفة ..أنا مش عارفة
أنا عايشة وألا مش عايشة
دم أصحابي حواليه ع الكراريس
ع الكتب .ع الأرض .علي وجه القطار
منار انتي فين يامنار ؟؟
قيام
اضربوا لأخواتكم الي ماتوا تعظيم سلام
واترحموا ع الحمام ......
واطتبوا من أول السطر
رد مع اقتباس
المشاركة الأصلية كتبت بواسطة زاهر zahr
