انه النوم بغيابك مايحب ملكاي
من اعصر عيوني تطيح منهه نجوم
الفجرلمن يطريلكاني فارش ليل
الشمس لمن تسلم هذا خلص يوم
بديت بيوم ثاني وهم بديت اشتاك
المفارك محب ماعرف طعم النوم
انه مؤمن بجيتك صايم بفركاك
الفطركبل الهلال شعرف معنى الصوم
ثالث يوم يبدي ويبدي همي يزيد
واضل بين المتاني ولجمةالمالوم
واتنفس صورك واختنك بلشوف
اليمريمي يكول مصاحب الالبوم
رابع يوم اشدعوينت الفلاح
ذاكه الخذو كاعه وبي الحركه تحوم
اخاف احجي وصرت مثل اليغص بلموس
يطلع يبتلي يبلعه يشك زردوم
وانه بنص الشماته وبيه شبه العار
بت شيخ وخطت والخبرعد الكوم
اخرس جفه مكطوع وغرك بلروج
لايكدريصيح لايعرف يعوم
تعال ارجع عليه الليل شد حزام
تره عيوني رجيجه وما اظنهه ادوم
للشاعر الرائع
احمدالبيضاني
رد مع اقتباس
المشاركة الأصلية كتبت بواسطة 3laa
