هنا

[علي الازيرجاوي]

الى كل حبيب فقد حبيبه

الى كل انسان فقد انساناً عزيزاً عليه
الى جراحات وطني.....
( زيــنـــــه )
زينه اتحبني جانت وآنـه احب زينه
ورسمنــه احلــه الصــور بقلام امانينه
مــومــن منطقتنــه ولا كرابه وياي
بـس الصدفــه جمعتنـــه وتــــــلاكينه
جـانت طالبــه ابـكـليــة القــــانون
نمـــر والنــاس كلــه اعيونـــه اعليـنه
يحسدونه اعله حبنه اشلون جنه احباب
ويغـــارون مـــن ينذكـــر طارينــــــه
جمـــال البيــه صايــر مظـرب الامثال
تـــرف بغــداد بيـــه وسمـــرة البينــــه
دوم اتكلـي سـولف عــن حيـــاة الريف
عـــن هـــوره وخضرته وعـــن بساتينه
عــن ســوك الشيــــوخ المنبـــع الآداب
النحس شعــره العـــذب مـــاي ويروينه
وضــل اصفـــح التاريـــخ والتاريــــخ
يــــــروي ايـــام ماتنســــه ابماضينــــه
اسولف عــن شجاعة جــدي بالفزعات
وعيـــلات ابتفكتــــه اشكثــــــر ردينـــه
عن بيرغ عمامي اهـــل الكرم والطيب
وسولف عـــــن مضيف اهلي ودواوينـــه
عـــن افــراح اهلنـــه وصيحة الشوباش
عـــن اشعـــار ابـــو امعيشــــي واغانينه
تفرح زينه من تسمع حجي اعله الريف
وآنـــه ابكلبـــي اكولـــن شنهـــــو تالينـه
زينــه امدلله وعنــد اهــــل ميسوريـــن
كلـــه اتكلــه اطلبــي وشنهـــو تردينـــه
وآنه اذكـــر ابــــوي ابعوزه جان يكول
مدينــه اعلـــه كــــد اغطانـــــه رجلينـه
وزعل جنت مــن روحي وتجيني تكول
ساكــت ليــش يسمـــر مــــــــاتحاجينه
امـــن يـــاحبيبـــــي الـــزعلك مــا صار
الغــت كـــل الفـــوارق يــــــــوم حبينه
اقســـم بالألـــه الخالــــق المعبـــــــود
قســـم بالمصطفـــى وخــاتم نبيينـــــــه
وقســـم بالزهـــره بتـــه وحيـدر الكرار
وقســـــــم بالحسين ودمعـــــــــة اسكينه
اذا خيروا روحــي اتمـــوت لو تنساك
اكـــل للروح مـــــوتي ولا تعوفينـــــــه
عرفتــج زينـــه تـــوفين العهـــد ويــاي
بـــس مـــا حسبـــة بالمـــــوت توفينه
لمــن صـار انفجــار ورحت وي الناس
كــل واحــد ركـــض يفـــكــــد محبينه
ام اتصيح يمه وتلطم اعله الراس
يبنـــي المــا وصــل للعاشـــــره اسنينه
وشــاب ايصيــح بــوي البيـــك متكفيــن
ياخيمــه التلمنـــه وفيـــت اعلينــــــــــه
وطفل يصرخ ييمه ويزحف اعله الكاع
حــن الحظن امـــه اوهـــل دمـــع عينه
فــاض الدمــع منــي انهـــار عالخـــدين
ويـــه النــاس اصيـــح زينـــه يازينــــه
متحيــر وكفــت اكبـــال كــــوم ارمـــاد
مــا معقولــه هـــاي اجســـام اهـــــالينه
مــا معقولــه هــذا انســان ســـوه الصار
والســـوى مبـــاح ابمذهبـــــــــه ودينـه
وشوف اكتـــاب طايـــح داسته الرجلين
شلتـــه الكيـــت رايـــح منـــــــه ثلثينه
عرفتــه اكتـــاب زينـــه ابمنهج القانون
لان كتبـــة علـــه الصفحــــات اسامينه
كظيته وشمـرته ابحركــه نــص النـــار
كلتله المـــا حمـــه اهلــه اشلون يحمينه

الشاعر
حسين مفيد الحجامي

[وليد البصري]

[دلوعة البنات]

جميل تسلم

[نور العراقيه]

[منال الروح]

شكرا لك

[محمد الساري]

شكرااااا عزيزي جميل ماطرحت

[♥سنفورة بغداد♥]

روعههههههه شكرااا

[ولاية علي]

جميل

[علي الازيرجاوي]

لكم مني اجمل التحيات .. وارق

الورود احبتي شكرا لكل من مر من هنا

[*فراشة السلام *]

حلوووووه مشكور