انا وياك واحد يم الآخر ضاع
لا موعد يلمنه ولا يطشنه اوداع
تشح واتيمم لذكراك من اشتاك
وأغرب وانحدر صوبك صلاة اشراع
علية ابعيد بس الشوك بية ابعيد
والومك ليش ؟..
الحجي امشامر أبين الغيم وأهل الكاع
بية هواي منك بس اكولن عيب
عتب مدفون واظنون اعله سجة غيب
شسولفلك ولك كبران
بيني وبين المرآيه سوالف شيب
العمر مستثكل بروحي يريد يروح
يا ... يا ليش
تعنيتك غشيم اشطوط
واستاهدت يمك كيش
يكلب الماي اخذني اجفاك
اصيحك صيحة الغركان
واتلثم بخورة مستحه وعكبيش
يل بايع سواليفك شلونك .. بيش
يمر طرواك وأتهندم سوالف بيك
وامر طولين وأتمشاك وانا ادريك ما موجود
مره اصفن وافرزن ياهو المتانيك
ومره اصفن وافرزن يا درب مسدود
ما تعرفني حكك جي رخيص وياك
انا الطاح بشليلك كبل لا ينكال
واتلولح اكبال عيونهم عنكود
انا اكبالك اتيه يا طبع يرضيك
واحس بروحي كلشي وكلشي ماحس بيك
اخف وياك واتعده التفاهه وياك
واتمثكل على الخلوني فوك الراس
واغنيلك غنه اهل اليوم وانا بكلبي حسافة ياس
من اشوافك جاي لية بروحي تلتم ناس
وأرسم بية عيدين وعرس معدان
وافور أكهوة بدوي بحظنك البردان
ولو مابيك من اسوالف الفنجان
بس اهواك
انا وياك غيمه وكاع
لا موعد يلمنه ولا يطشنه اوداع .
رد مع اقتباس
المشاركة الأصلية كتبت بواسطة عاشق علم دار
