_ لا تظن يا حبيبي عنك غافل وناسي
وفرحتي بشوفتك صارت وناسي
الك قلبي ونظر عيني وناسي
عزيز انت ومحبتك ذيج هية
_ لا تظن يا روحي بيوم انسى
الايام العشناهة سوية بونسة
ردلي يالجنت للقلب ونيسة
ردلي ورد وياك روحي الية
_ عفت دنياي والبيهة وشرهة
بعد ماريد عطوتها وشرهة
هدومي من الدمع تغرك واشرهة
الشمس غابت وهي ضلت ندية
_ يا حلو الزعل طول صاحبنة
بهجرك عضم ما ضل صاحي بينة
جنت ويانة انت وصحة بينة
زعلت وزعلت الدنيا علية
_ شحجي وتريد الناس من عندي احجي
اذا دمعي بطرف عيني بس احجي ابجي
_ مشتل الك بالروح وكل وردة تهواك
اقطع وريدي بموس لو قلبي ينساك
_ سوالفك تزيل الهم
وصدى صوتك يوزع الدم
وحبك صار كبسولة على الوجبات تتقسم
_ تذوب الروح من حبكم
قلبي مسكنه يمكم
تضل عيوني مشتاقة تحن تريد شوفتكم
_ يا ماي دجلة العذب يا طيب الاخلاق
تبقى العزيز الوفي ولشوفتك مشتاق
رد مع اقتباس
