ـــــــــــــــــــــــــ ـــــــــــــــــــــــــ ــــــــ
كضة وكت الشــــــباب وزهوة الايام
وبديت اردود اعد عـــــــــــــد التنازل
صرت مثل الزرع من خلص وكتة وطاح
بكل سرور وشوك تنتظرة المناجـــــل
من عكب ذاك الغرور وشيلت الراس
انداسيت بظلم مثل دوس الـسنابل
يمر بية القطار وبكل محطة ايصـــــيح
واني بكل تكبر ماصـــــــــــــــيح نازل
صرت شجرة بـــــخريف ومالة اوراق
لاتظن اتعيش على الشجرة الـــــبلابل
علية الدنية مختلفة وشايله اسلاح
وانة سيفي خشب بس بعز اقاتــــل
وكتي مارحمني ولا نصف ويــــــــاي
ويفرني من الزغر عكس المغــــــــــازل
اضحك بطيب خاطر ويا اليضحكـــــــون
مومن كلبي ضحكتي صـــدكني اجامل
رد مع اقتباس
