راسب بالفرح من دون الاوطان
وناجح بالحزن يا موطني شبيك
موانت الحضاره وكان ماكان
يلمعلم الدول مو تمتحن بيك
چاشنهو التغير وانت عنوان
واشباه الزلم گامت تقرّيك
رسيني اعله برك جيت غرگان
غرگان بسؤالي بالله يرضيك
ميت يرثي ميت حيل حيران
اذا السياب انت شلون اجاريك؟
ومن قوس القزح باگوهه الالوان
وخايف يا وطن باچر اجدّيك
وطن خيرات لكن شعبه جوعان
واذا جوعان شعبك گلي شنطيك؟
وياابو النهرين ليش وباقي عطشان
ووشّلت الدمع چابيمن ارويك
وعلي كثر الجثث مالاگي دفـّان
شلت الخارطه وبيه لغطيك
عراق وبس طلب من ابنك فلان
(( ابو الاحزان )) تقبل راح اسميّك؟
لأن انت وطن في هيئة انسان
ولهذا السبب هم راح اوصيك
تگدر تنتفض وتعيد شعلان؟
فكّر ياوطن بلك الله يهديك
رد مع اقتباس
