نلوم اعله الوكت ونكول بيه الصوج
نلوم اعله الوكت ونكول بيه الصوج
واحنه الصوج بينه ومنه نتبره
وتيهنه الصدك ودروبه صارت خوف
واليحجي الصدك بيناتنه نكفره
وطلكنه الوفه والبخت بعناه
وبكيفه الضمير شيحكم نعذره
ونشال الحيه وماظل بعد عيب
وقليل العدنه ظل بكصتة الكطره
لئن كلشي تغيرصار بالمكلوب
والحك ثوب رايد يلبس يستره
هسه الحك صفه خجلان عدنه اليوم
والباطل الوادم كامت تقدره
اهي تاهت صدك والزين صارالشين
وتيهنه وكتنه بليله وبظهره
وأصلآ مانميز بين هذا وذاك
والمايدخل عقلنه نبعده ونكره
ونحكم بالنريده وماكو كل تبرير
مادام اقتنعنه بمحورالفكره
جاغير انتأكد والحكم بعدين
ليش احنه انتسرع والحجي انسطره
رد مع اقتباس
