رمى خَلفه فضا شيّدْ من هموم الزمنْ دوله
ويمرّ الليل وفـ جُعبَة (ظلامه) دمع عين وباب :
رمى خَلفه فضا شيّدْ من هموم الزمنْ دوله
يمرّه والمرارَه تَجرعَه وجْروحَه الأحباب
تزفه لـ السَهَر يوم السَهَر : أَسْرَج له خيولَه
على ( كثره) عَجَزْ يلْقى لـ حزنَه فيه "يد اصحاب "
على "قل الوفا " مدّ الوفا لـ احزانَه تقولَه
كثيــر اللي زرعهُم تحت ضلعَه والأملْ ماغاب
كثـير .. وما حَصَد غير الجُحُود وهمًّ يْنوله .!
لقاهم يوم ضاقت به سنينَه ضحكتين وناب
غَرس ضيق المدى في وحدتَه وارخى لهْ سْدوله
على كثر الوجيه اللي تمرّه كلّها أغراب
على كثر إنهمارَه ما لقى إلا (الجوعْ) محصولَه .!
نسى نفسَه كثير ولا لقى غير التعب : جلباب
يلَحَف صبره اللي جرّه لـ أحلام مجهوله !
سنيـــــن وصمته يلفّه وحزنه داخلَه ينساب
سنين : ويقهر دموعَه .. سنين : ويكرهَه زوله
سنيــــن وآآآهـ ياذِكرى الحنين الصادق الكذّاب
سنين وآآهـ ياظُلم الغياب اللي إرتمى حولَه
سنين ويارتابة وقته المتوجّس المرتاب
سنين ويااااهـ يا احلامً بقيد الصمتْ مغلوله !
.
.
كأني : لوجهلتَه أَعْرف انّه وجه عمرً ذاب
لجل يحصد محاصيلً بـ (دمّ) الدمع مبلوله
كأني : لو عرفتَه ماعرفتَه غير : شبً ( شاب )
من جروحً بنت للحزنْ من بين أضلُعَه دوله . !
رد مع اقتباس