أحبك من بعيد وهيچ أحس مرتاح
ومخلي الگلب يحچي اعله لاهيته
لأن طبع الگمر كلش حلو امن بعيد
لكن لو قريب تقل جماليته
كلبي البي ابوي وأمي واهل البيت
المثلك بين ذوله يصير ماله مجــان
ضكت منك حزن يختنك بي عاشور
وضوكتك فرح ما شالته العرســـان
احن المستك والضحتك اشتاك
واطير ويه النجم لمن تشاقيني
اوزن كل كلامي وخطوتي ويه الغير
وبس وياك تختل كل موازيني
ما ادري شعجبني تعلقت بيـــك
مزاجي وصعب حيل بواحد اتعلق
من نخلة جمالك طاحو العشــاك
بس اني عنيد ولازم اتسلــــــق
تركتوني بوكت بي الكم احتاج
وبچيت عيوني حد ما طاح فصها
اظل ادعي عليكم دعوه ايتام
واذا وفقكم الله اجفوفي اكصها
بيا عذر تقنعني متخابر شجاك ?
أيام مرت وانت كاطع بالوصل?
شلون امشيها الك واحنة بزمان?
حتى اهل الكهف تكدر تتصل?
دفهّمني عليك بسرعه ليش اشتاكـَ
وأصيرن لو غبت عنّي بوسط حيره ...
الميت بالحلم تفسير عمره يطول
والميت عليك شلون تفسيره ؟؟؟
دخنت الجكارة وتعرف الاسباب
واليدخن الجكارة مبينه سالفته
لودكة نذل لو جفه لاح العوز
لو حب وطلع متحبه صاحبته
عــــوفــــــه الـمـــايــريـــدك لا تـــلح ويــــــاه
لـــو شــيصــــــير مـــنك لــــو اعــــز نــاســـك
ظــل امـــشي اعــله طولك حتى لو لاكــاك
جــنــــك مـــاتـــشوفــــــه ولا تطـــخ راســــك
مشكلتي الفرح معرفت بابه مين
وانت ابواب حزنك كلها مفتوحــــــا
الينبض عشك كلبه يضل مجــــــروح
وانا نبضات كلبي اتحسها مجروحــــــا
و علي مختنك مني ومنهم اهواي
صفيتلهم مثل ماهمه يردون
صفو شيب ابكذلتي اشكد خبيثين
شوكت ماكابل ابنيه يطلعون
موش اعيون عندك صدك اولايات
تفر بيها القوافي والشعر يبحر .
ردت مرة أوصف اعيونك احتاريت
بديت برمش منك خلصت دفتر
ما اكلـك عزيز وانــت اعــز الناس
اخاف تكــول هذا اسلوبك الفني
احجيها بصراحه وكل ثقه ويـــاك
اذا تســألني اكلك حتى اعز مني
شلتك عالسمه عليتك اعله الروح
وخليت اليحبك يحلم يلوحك
اني ويه الجرح ماخذ صور تذكار
هاك البوم روحي وكلب اجروحك
رد مع اقتباس
