بعد غياب عن المنتدى عدت وفي جعبتي جـــرح جديد اتمنى ان ينال اعجابكم
ضيعتها ..
واني نسمة هوى تمشي بريتها
ضيعتها ..
وتوني كلت الله من لاكيتها
المسافة ابينا انترست خناجر
واني خالي ابلا عقل حبيتها
اتناقضت وي روحي من مرتني طيف
هية يمكن ؟ هية لكن؟
هية يمكن غيري دا تعاين عليه
كلبي يلجمني آمن اسولف واحجي بيه
ياما حن لوجوه ما حنت عليه
ضيعتها وجانت استوها اعلى بالي
من شفتها استوطنتني وجتي تتمشى بخيالي
الليل موحش من يمر ينزف غوالي
تلكه بيه اثار دمعة مكحلة بعين الفجر
والليالي كلها خرسة وماكو حس
هية بس شوغة نفس ..
وتنتهي باخر قصيدة انكتبت بأول جرح
يا مسافة الكصرت لغيري نهر
اني عطشان لمحنة وكلبك شماله حجر
شلون احضنك واني كصولي ايدي
الشماتة بكل درب يتمركصون
اشلون احضنك يا خيال امي الغريبة
اويا الصريفة اتلاكن بليلة سهر
ردلي غيمة اتمطر الضحكة اعلى شفتي
دورة الشفة اختفت
ويا اخر كلمة منك
ويا اخر همسة منك
يا حبيبي الشمس جفنها الهوى
والنجوم اتغار منك
غطت بأيديها كل ذاك الضوة
مرني لو شهكة نفس طلعت زفير
وين اشوفك حتى الاكي وشاله منك
دورت بأخر محطة
وسافرت لأبعد حزن شفته اعلى كصتي
وما لكيتج غير ذكرى ابالي صرتي ..
وعد الأمير
رد مع اقتباس
المشاركة الأصلية كتبت بواسطة المرقب
