حشمت القلم يكتب قصيده
واني ادري القلم سحري
ويحجي يكدر
كتله اكتب رسم حضره
وجامعه لكل العلوم وباب
اخضر
رسم منظر
جان بالمنظر مناره وصوت اذان لبلال
يصيح منها الله اكبر
رسم صوره وجانت الصوره شمس
يعني يقصد بيهه طه
ورسم كمره وجان قصده بهذي حيدر
رسم خيمه وجانت الخيمه حنان
وراح سماهه خديجه الجانت احلام الرساله
بسدهه تكبر
هسه نقطه
اووكف لحظه
وجانت الدنيا ظلام
وحته نجمات السمه من الظلمه تعثر
كتب مصدر
كتله المن كالي لكل المكارم فاطمه
من الباري مصدر
كتب انورجانت من النور فاطم
من اجه الليل بصبح عين النهارومسحت بجفها على عينه
اشرقت عين الصباح
ولسه ازهر
رسم دمعه وجانت المقصوده زينب
يمها منحر
ولذبح كبش السماء الدنيا مطرت دم ضواهه
وطاحت اجفوف الثريه
الجانت على الغيره معبر
كتله فسرلي الرسمته
بخفه راح بكل رشاقه وكتب جعفر
كتله ادري وعندي اكثر
اني اعرف من محمد للمؤمل
همه واحد
نبع صافي واسمه كوثر
عظم الله اجورنا واجوركم باستشهاد الامام صادق القول والفعل الامام جعفر الصادق عليه السلام
بقلمي
رد مع اقتباس
