مدري شنهو البيه صاحك .. وانت اجيت
مدري انت؟؟.. مدري كلبي ؟؟؟ ..
مدري حسرات وعتب مضموم بعيون الطريق
ليش اجيت ...؟؟؟؟
وجان لابس دمعي ضحكة من الحرير
كونه كدام الشماته .. لو نزل يطلع انيق
ليش اجيت ..
وكونك تمر بحياتي مومحب ..
رفكة صديق
ما حجتلك سجة فراكك عليه ؟
انه بغيابك قطار .. مفتر باول محطة ....
وكل كراسي الحزن بي متروسة
انه بعدك خد يتيم ........ الله وشفاف الدموع تبوسة
ليش اجيت؟؟
وانه كتلك ..
الجفوف الما تمشطلي بمحنة ما اكول جفوف امي
وسولفتلك
نعمة الله احساسي بيدك
كبل لتضوك الوصل بجروحي سمي..
ومدري شنهو البية صاحك.... وانت يمي
كبل لا عطار يوكف يم صفنتي ويشتريك
كبل لا اصيحن مزاد بذكرياتك
من جنت جاهل واطبش .. لو اسم زخن اديك
كلي شنهو البية صاحك
حتى ما اعوفه واجيك
رد مع اقتباس
المشاركة الأصلية كتبت بواسطة كرار الغراوي
