شكد سهله من تجــــرح الناس
شكد سهله ع الناس من تبيع
وتنسه بيوم النطــاها الروح
شكد سهله من تجــــرح الناس
وصعبه تصير بس ع المجروح
دنيا مابيه وفه بين هاي الناس
كله عايشه بــــــس للمصالح..
مابيهم اليغزر بيه الملح والزاد
يبيعك شكد مازادك صار مالـح
العتب مو ع الملح العتب ع الناس
شيصير الملح حته يغــزر بواحــــد
انه الكلبت الحزن بعيونهم عيـــــد
ونفسه العيد ع موتي صار شاهد
انه الوفيت والصرتلهم سند بالعوز
واني النطيت كلشي وصرت مارد
وانه الدافعت عن حقهم انه بيوم
وهم الباعو كلبي وخلونـي شارد
عن زمان البي تضحيات نـــــكول
وعن وكت الجان الصدك بيه قائد
الله يرحم ذاك الوكــــــت ياناس
صفه حبر ينكتب بس قصــائد
وانه ادري الحقيقه تغيرت اليوم
صفه بينه الوكت مثل انسان حاقد
منقوله للامانه
رد مع اقتباس
