ساعه اتخايلك تفديني بالروح
وساعه تضحي بيه ويه القرابين
وساعات الوفه بس منك يفوح
وساعه برُكَبتي تحد السِجاجين
مجنون اني اشوفك لمن تروح
ونصير اثنينه بجيتك مَجانين
عَلَي فَصلتك بآهاتي والنوح
ويحسدوني على ممشاك المحبين
مايدرون كَلبي مترّس جروح
وِدموع الفرح ما زارت العين
بس دَمع الحزن وبدمعي مَفضوح
جَمر ويخلي بخدودي النياشين
ترى شمدريه اليكَطع وَرده ويروح
يترك طَعنه بكَلوب البساتين
شلون اقرااك وانت بكلشي ممسوح
ولا كلمة البقت حتى العَناوين
أمد ايدي واظنها الأيدك تلوح
وتطلع وَهَم ما اعرفك رحت وين!!
سَرابَك تعباني وفَحّط الروح
كافي وهذا حدي وياك يا زين!
حسين الساعدي
رد مع اقتباس
المشاركة الأصلية كتبت بواسطة المرقب
