يا احلى من ريح الصبا......تمر على قلبي تذوبه
بيك انه مجنون ........ياعراق اليحبون
...................................
بلساني توكف كل القوافي.....لمسه شعورك عراقي كافي
اسمك حبيبي الجرحي شافي.....صومي وصلاتي وعشكي وعفافي
شوكي رسم لوحه امل.....واكفه انه كبالك خجل
ابقه انه مجنون ..ياعراق اليحبون
..............................................
شايل حنينك كل المعاني......قبله رجانه وكل الاماني
حبك هويته مدري هواني......ولحظه يمك واكف زماني
ابحرك رسى كل الزمن.....واسمك صبح رمز زمن
ورد ونثر الون.............ياعراق اليحبون
.............................................
طاف حرفك بين الشعر.......عينك علت مثل السحر
لامتك ضي وحبك جمر.....بكرامك رب ذاب صبر
انته شجر وانته الهوى.......وانته صبر وانته دوه
كلشي بحبك يهون.......ياعراق ليحبون
.............................................
جمره هوه صار النظر.....وانته على جرف وبحر
حاط القلب كله واسر.....يعني العشك صار القدر
حاير يظل بيك الفكر....واسمك عليه مثل السحر
ابقه انه بحبك مجنون .....ياعراق اليحبون
بقلـمـي ...شهد المعموري
رد مع اقتباس
المشاركة الأصلية كتبت بواسطة prince karbala
