يـالـتـزور ام الـبـنين إشتم قبرها
شـجـره طيبة وللحسين انطت ثمرها
رايـة امن الاحساس... يحملها عباس
عن صبرها اعله الارض مرسومه صوره
يـجـذب الـنـاظر قبرها من تزوره
مـن بـعيد الوفه العدها اتشم عطوره
دمـعـك الـبـعيونك إتهيج شعوره
تـشـعـر باحساس مامر اعله بالك
تـنـسى روحك تسرح بعالم خيالك
صـورتـهـا نبراس ... يحملها عباس
قـلب عندها احتارت الدنيا بصفاته
صـار حـب حـسين محرابه بصلاته
والـشـعـور الـجان عنده وامنياته
يـفـدي دمـه لجل ابو اليمة ونجاته
يـاحـسـيـن تـصيح دقاته قلبها
سـالـم يـرد لـيـها من الله طلبها
حـكـمـتها نوماس... يحملها عباس
بـمــتحانات الوفه الباري امتحنها
صـبـرت ومـاسـاعة غيرها زمنها
والـمـحـبـة الـصادقه الغالي ثمنها
واسـمع السان الكرامه شيجحي عنها
بـاب لـلحـاجات تتوصف قيمها
مـايـخـيـب اليندب الخالق باسمها
بـاب الله تـنـقاس... يحملها عباس
جـوهـره وبـخـلصها صارت ثمينه
وبـوفـاهـا تـمـثـل الام الحنينه
مـن رجـع نـاعي المصايب للمدينه
تـلـكَـتـه تكَله العزيز حسين وينه
عـوف ذكـر الاربـعه واسمع سؤالي
بالله خـبـرني اعله ابني العندي غالي
هـالـطـيبه ياناس... يحملها عباس
لـلـمـنـاحه قبور خمسه من بنتها
بـالـطـم صـبـح ومسيه قابلتها
والـنـواظـر وي مـدامـعها بجتها
حـقـهـا لـو سـاعة منيتها لفتها
عـنـهـا راح المخلص الينشد عليها
بـعـد شـلـها بدنيا ماكو حسين بيها
هـالـحـاله مقياس ... يحملها عباس
شـوف إبـنـها الخذ من عدها وفاها
مـوقـفـه ويه حسين جازاها برباها
ع الـفـرات وجـبدته جمره ابظماها
مـاي قـبـل حـسين اخيه مارواها
نـفـذ الامـه الـوفه الجانت تريده
عـيـنـه والـجفين قدمها العضيذه
غـايـتـها ع الراس... يحملها عباس
امـل عـنـدها والزمن خيب املها
امـنـيـتـهـا جانت بساعة اجلها
حـسـين ابو السجاد جفه يغمض الها
لـلـقـبـر عـبـاس يـتوله حملها
لـو فـرضـنـه الكمر طـر قبره وقصدها
وجـفـوف ماعنده يوسدها بلحدها
مـن تقضي الانفاس... يحملها عباس
منقولةو هذه صورة من طباعتي للقصيدة
رد مع اقتباس
المشاركة الأصلية كتبت بواسطة ♥ღ♥ انثى استثنائية ♥ღ♥
