علة زنودك علك شديت ادي تذكار
مكتوبة ومسموعة
الشاعر المتألق علي المحمداوي 2014
علة زنودگ علگ
( مكتوبة ومسموعة )
شهكتك والهوه تيهته واشتم بيك
وهوه غيري لكيت بريتك اشهكه
مو بس الخبر كاسمت نفسي وياك
بحجت العب جنه نقاسم الشهكه
على واهس كفاك عيون اخذها الشيب
نسه وجه اليحبه اذكر الشبكه
تعال عيوني سدها تعطل الدفان
فضلك بيه نقص بس الجفن طبكه
مو طك سني طك عضامي ما بي صوت
وصارت طيحتي جن طيحت الوركه
ذكرتك والدمع سولف لخدي سنين
وعلى طرف الجفن جن غيمه متعلكه
الضاع بصغره صدر امه بخياله يعيش
ولي ضيع بحرب تشتاكه التفكه
اليزعل واليحب يدللون اهواي
الشبه بيناتهم روحين محتركه
المتواعد وفاته الموعد وما جاي
تلكه على الدرب نضراته متعلكه
من اسولف بيك احس بصفي تطلع نار
تخيل لحدمن واصله الحركه
ليتوضه بخجل عنده اليحب معصوم
وساعات العبداه سوالف الفركه
على زنودك علك شديت ادي تذكار
كلت الشافهن بصمت محب يلكه
وسئلتك عل زراك البيك اجاك منين
كتلي من البرد كتلك اثر شبكه .~
وياي تعاندد واني ادري كلش زين
ومو من البرد من الحضن زركه
عرفت تخوني من صار طولك سيف
ونسيت الخالقك هم خالق التفكه
شهكت سوالفك حجيك ترس ديوان
سوالف مو الي ما طلعن بحركه
تعال بداعت الشيب الطلع بجفاك
موتدري الكبر خنكه
الكبر من يجي لازم مشتهي الملكه
الهي بداعتك كافي الهي اتعب الفكره
الهي سوالفه ابالي اليحب
مو من جمر جملات التحركه
على طرف النفس زارع خلك بي طول
بكد خلك امي من طاح العمر وركه
على جفنك سهر بي حلم شابع موت
حلم شايف مكمط روحه مختنكه
حاجيت الخذالك سوالفي ونساك
كتله العفته كلش خلصت خلكه
كلته على البرد جنت انه المدفيك
كتله بشوكنه جنه الهوه نحركه
كتله كلوبنا جبناها بل ايجار
شحجيت وياه كلي وجذبك مصدكه
حلفان الجرح لو طعنه لو سجين
وحلفان الحبيب وداعت الفركه
كلبك جان فارغ هسة لا بي خير
جنت تحلم تحب بس هسة تستنكه
يمر طيفك وافز بس الكه غيرري وياك
ويسئلوني واكلهم كلشي ما الكه
عـلي آلمحمدآوي
رد مع اقتباس
المشاركة الأصلية كتبت بواسطة @أمير العراقي
