شرط كون اليرشح شايف الضيم.....
ضايك لوعتي وملجوم كلبه
مايحرك كصب ويجفف اهوار......
كون ايموت من تنشال كصبه
انطي الصوت لليستاهل الصوت.....
ما ينساني باجر صوت اطلبه
ارشح الخايف الله ويعدل وياي .....
ساكت كون اشوفه وفعله خطبه
اريد اليفزع النه اشلون علي ......
لهسه بكلب دجله مخلي رهبه
ماريدا يكلي اصوت الان ......
وباجر من افزعه ايكلي عكبه
اشوف اجفوف اديه ما شايل اسلاح ....
انه براي المسالم هذا ارغبه
اذا ما قنع منك ما يأذيك .......
لا يآمن بعسى ولا يصلبه
وكون ايعين الماعدهم احزاب .....
الصدك كضو عمرهم عيشه صعبه
ما ابالغ واكول بلا حمايات ......
اريد الكه الحماية اليمه غربه
اريدا كون دورة الجاية الكاه .....
رافض مايرشح وانه اغصبه
اصوت غصبا اعلة المايريدون ....
اصوت للعراقي وخوفي اشطبه
والماراد اصوت عذرة وياه ......
لان مثل العواذل صوتي حربه
ضوه تفجيرهم اسرع من الصوت ....
ولكن صوتي كل شي مايغلبه
انه ادفنهم غدا من افرز اصوات ......
وعليهم باجر الصندوك اكلبه
رد مع اقتباس
