ابوذيات للشاعر الشاب المبدع سجاد الزبيدي
==================
وحك الكال ارد ثاري .. بضهراي
حدر شمس الله باكوني .. بضهراي
كلت العدو شج فاله.. بضهراي
التفت ولنه اخوي الشجهه بيه
********
وحك دمع اليتيم الصاح.. ربعيش
سكتت عله غدر وصبحت.. ربعيش
يناهي ربع مامش بعد.. ربعيش
درت وجهي وحجيهم عله عليه
********
يروحي من الدهر صكعات .. حمﻻي
بسبب شك بان من الجمر .. حمﻻي
يمتني موش وكته يهدل ... حمﻻي
جزيني الشماته وطيح بيه
********
انكسر ضهري ثجيل الحمل .. وانطاكـ
بجفاك ومالي حته السان.. وانطاكـ
وحك الزهره ل الله انشال.. وانطاكـ
من اشوف جفوف غيري بزرع اديه
**********
عليل بمرض يكتل سال فن عود
برفعي ويل ليالي .. سالفن عود
كرهتك بعد كلش .. سالفه نعود
اذلك من ترد ندمان اليه
************
يضعني بليل يم شمات .. منخاك
هندس ما تميز عداك .. من خاك
يخويه من تراني بظيج.. منخاك
امجانك ضل بعد وشتمت بيه
**************
عﻻمك ماتكظ الضهر .. ينطاك
خويت وضلعي بس ارتاج..ينطاك
العمر وله وبعد ماشوف.. ينطاك
منهد ماكامو يتجون اليه
***************
عله حس الطبل رجليك. خافن
ضهرت الشينه والزينات.. خافن
منشوفك جاي ادير الوجه خافن
تكل للناس بعده يحن اليه
*************
(((الشاعر سجاد شناوة الزبيدي)))
رد مع اقتباس
