ما اريدا بعد اكتبلي حرف... راح اكتب كل معاناة الصبر.
..راح ارسم ظهر ابوية
الدك علية الدهر اثار التعب
وشيلة امي
والبواجي والنعاوي والدمع
شيلة امي البيهة كومة ازروف وشكال الركع
وايد اخوية الراد لكمة ولالة بعيونة الطمع
وجانت اختي صفرة كلهة
جنة من نلعب نصيحلهة ذهب!!!!!
وجان تنور امي طين......... يضحك بوجه العجين
من خلص عدنة الطحين .. كالت التنور يا يمة خرب
وجان ابوية ايشيل طاسة .. ويحلم بفرصة حراسة
وجان تالي الليل بالعصابة يتلاوة وية راسة
وجنت اشوفة
وجنت اكلة شبيك مو كلبي لعب!!
وجان ريح السلف يلعب بالصريفة
عاشك باليل الشتة وحاضن وليفة
وجانت تلم العوائل هل صريفة
يا صريفة
يا صريفة شكد شريفة
ما شفت واحد تعدة عليج بعيونة وسلب
جنة نفرح لو يمر علينة عيد..
ونغسل الثوب العتيك لان ما عدنة جديد!!!
ولو صبح مصباح عيدك..
كلهة تركض يم ابوية انة اريد انة اريد!!!
ذاك اخوية وذيج اخيتي
وذاك خوية يصيح عنة بوية ارد اكل عنب!!
وانة جفي بلاية عانة ظل وحيد...
وجان عين امي علة جفي
بلاية عانة بيوم عيد!!
شاورتني وكالت اطلب كول يا يمة شتريد
جاوبتهة كلشي ماريدا ييمة
عندي عانة وعندي رب.
وجانت احلامي جيرة.......
بيت وفراشة حصير......
وجان حلمي يمر علية اليل وانة بلاية حيرة...
بلاية حيرة. بلاية حيرة
وانة عيني شطولهة وايدي كصيرة .......
ويا حصيرة بلا حصيرة .
انة دمعاتي جمر وانتي كصب.
وجنت اشيل بايدي فاسة ..... وحلم بعيوني النعاسة
كون يا ربي اكمل
كون يا ربي اخلص هل دراسة
وبين فاسة والدراسة العمر كطرة ماي شبسرعة نشرب
للشاعر حسين الوائلي
مع تحياتي
صائغ الحروف
رد مع اقتباس
