(((سفر شباج)))
زتني لكل نفس ريه
انكت كل حجي جروحي
اريدنك سفر شباج ياخذني لوجه دنيا
اريدنك نهر خدران يغسل كل تعب بيه
عيشني انتظارك خوف
سواليفك ورد بأذني
والوادم حجيها جفوف
عيشني انتظارك خوف
(ادورك وين) حتى الكاك
وانا بعيني النظر كصران
بس مرات فوك من الشمس مرتين
اشر الشوف
واسافر والدرب جنحين
ياخذني ويذبني هناك يم ذيج السما الزركه
واجي واسأل عليك الغيم
بلكي اباله فايت ماي
بلكي مصادفك نجمه
بلكي الكاك يم زلف الكَمر نسمه
واكلك شوف
اكلك شوف
عشت بعدك حلم مطلوب
ليليه بجفن غافي
ليليه البرد بالروح
يسحكني بجدم حافي
يااول وطن دافي
ويااخر حضن دافي
اريدك
اريدك يالصدك دافي....
رد مع اقتباس
المشاركة الأصلية كتبت بواسطة حبر مسموم
