بسم الله الرحمن الرحيم
السلام على صاحب السكينة
السلام على المدفون بالمدينة
السلام على المنصور المؤيد
السلام على ابي القاسم محمد بن عبد الله
ورحمته وبركاته ومغفرته ورضوانه
السلام عليكم احبتي ورحمة الله وبركاته ..
هويته او حذروني اوعنه گالو ذيب
لاكن چذبتهم وگلت دساسه
دللته دلال النهر للناعور
يغرف للصبح وجروفي حراسه
اگص چف الشته اوبضلوعي ادفيه حيل
وسويهن حطب لو حِس برد جاسه
واذب هدمي وادثره و ارتعش بسكوت
واغش الروح اگلهه ادفه بنفاسه
ذبح گلبي ذبح والدم نزف بلروح
اضحك مااگله و اجرح احساسه
حط حلگه اعلى نحري اوشلع وذره اوياه
اوبحرورة اصوابه اتوقعت باسه
تدريني انبگت لتگلي هم مبيوگ
فرق سم المكاسر عن البراسه
حراميك صطه اوماباگ كل البيت
حراميي صطاني و ابيده مكناسه
احلامي بسيطه او مو حلم بطران
يفتح بطن سمچه اويلگه بيه ماسه
احلم بالامان اوليل مابيه خوف
واحلم بلزمان المنصدگ ناسه
رد مع اقتباس
