هنا

[ليث الشمري]

شوكي طاف اعله حبه**** وصل ادموعي سلام
غـيمت ايـامي حـبك **** ومـطـرت ادمــوع الــغـــرام
***
كل حرف من اسمه الدمع*** يطوف بحساس المحبه
ومنهج يخطه كلبي*** حبه قبله الاسلام كعبه
ناثر الحب الالهي*** وللوجود باقي اعلى مرتبه
دال للدين ودليلي*** شما ابعد تصير رهبه
ازرع ايامي وحنيني**** ورده بحب الامام
غيمت ايامي حبك**** ومطرت ادموع الغرام
**********************
شلون أحسك مني تبعد*** لو سكت بيه الدمع
شوكي طاف اعله حبك*** وصار بحروفك يشع
كلبي لللعاشك نهر*** يطوف بأنوار الشمع
لو نسيته بلحظه تدري*** ينوح بحساسه طبع
نور اسمك يابن طه**** فرحه الفاطر صيام
غيمت ايامي حبك**** ومطرت ادموع الغرام
*************************
جمره احسك يا كياني*** وطافي بيه الجمر
عنده ياناس المحبه*** والعشك يمه سهر
تنصت ايامي على طيبه*** وهاك بافراحه العمر
احساس يهتز اعله حسنه*** وباقي ذكره يا صبر
اسهر الليله بقوافي**** واكتب احساس الكلام
غيمت ايامي حبك**** ومطرت ادموع الغرام
**************************
احساس وحسين المشاعر*** صعب شرحه بهالكتب
كـل فرد طاف بهيامه*** بالدمع احسـه ينكـتب
حاير شلون آنه احبك*** عاليحب جـدا صعب
تاهت افكاري المحبته*** بريح منك لـو تهـب
بريحك يفز كل شعوري**** يا نور حبك هم حرام
غيمت ايامي حبك**** ومطرت ادموع الغــرام

[المرقب]

لك مني تحية إعجاب

شكر لتواصل عطائك هنا

متمنيا دوام التألق

[نـايـا]

كلمات جميله
دمت بخير ودام هذا التألق