هنا

[Muntader]

السلام عليكم

انا بصدد تغيير دومين كامل ويشمر موقع ومركز رفع ودردشه

تغيير يعني رابط واسم

لحد هسه ممغير لكن انتظر الاجوبه الشافيه

شسوي كتهيئة للعملية

سامر شسويت من حولت كوت فريندز الى درر العراق

ماهيه خطوات النقل..وين اضفت اكواد نقل الزائر او المتصفح؟ في اي مجلد

وماهو رأيك بهذا الكلام

يمكنك في الموقع القديم حذف كل محتوي www الا الملف htaccess وان كان لديك منتدي داخل vb يمكنك حذف كل محتوي vb مع الابقاء علي htaccess داخله فقط
وحذف قاعدة بيانات وبهذه لا يستهلك اي مساحه ويمكنك استضافتوا علي مساحه مجانيه او وضعه في مساحه 500 كليو بايت

ياريت اشوف كل نصائح النقل من الدومين القديم الى الدومين الجديد

حتى اعرف شسوي مااسوي

بأنتظار الاجوبة

[Samer]

اول شي .. عملية نقل الدومين من اصعب العمليات اللي ممكن تتم .. خصوصا للمواقع الكبيرة او المتشعبة .. تذكر كل مرة كتبت رابط منتداك يدويا بأي مكان .. بالخيارات .. بالقوالب .. باي مكان .... لازم تبدله يدويا مرة اخرى .. هذه نقطة

الدومين القديم و الجديد لازم تملكهن اثنينهن .. على نفس السيرفر مفعلهن.. (ما دام على نفس السيرفر ماكو داعي لحذف اي ملف) .. و تكدر تتحكم باي واحد منهن على الاقل لمدة سنة..


اول وحدة (بالنسبة للمنتديات) تروح على خيارات المنتدى (الوصلات) و تغير وصلات الموقع للدومين الجديد .. و لو هي عادة مو بهل سهولة.. عموما هذه الخطوة تخللي المنتدى شغال عل رابط الجديد


النقطة الخ .. هي المحافظة على تسلسل الموقع بـ Google ..

Google يوفرلك امكانية تغيير الدومين .. اكو هيج خيار بادوات مشرفي المواقع .. تفعل كلا الدومينات على حسابك بكوكل علمود تكدر تكول لكوكل انه اريد احول من هذا على هذا

كذلك .. Google يريد منك .. و الناس تريد منك .. و الكل تريد منك .. انه تصير عملية تحويل 301 من الدومين القديم للدومين الجديد ... لكل الروابط مال موقعك .. سواء المحفوظة بمفضلات الناس .. او المؤرشفة بكوكل .. بحيث اللي يطلب اي رابط من منتداك على الدومين القديم .. يتحول مباشرة على نفس الرابط للدومين الجديد .. (هذه النقطة الاكثر اهمية)

.. عادة هذا يتم عبر لوحة التحكم (Redirects) .. تكلله حول اي رابط موجود على هذا الدومين إلى هذا الرابط بالدومين الجديد .. و تختار wildcard redirect يعني اذا انطلب اي ملف على امتداد الدومين القديم يتحول كذلك إلى الدومين الجديد (جماعة الـ CPanel) .. و لازم التحويل يكون من نوع 301 مو 302 .. يعني التحويل الدائمي .. هذا راح ينعكس على Google و كذلك على الروابط المحفوظة بمفضلات الناس


العملية مثل ما كتلك مو سهلة .. و لازم بيها خسائر .. بس الافضل انه تعد العدة كاملة قبل ما تباشر .. و تخللي الخطة ..بحيث تجري العمليات الرئيسية كلها خلال ساعة وحدة اذا امكن او يوم واحد بالزايد بحيث تكون الخسارة اقل ما يمكن

ها شلونك هسة

[Muntader]

سامر شوف رد المستضيف انوب

للأسف الشديد لانستقبل الارصدة لبيع الدومينات في الوقت الحالي , فقط عن طريق باي بال يكون الدفع وعملية التوجيه سنجريها دون حدوث اي خلل ان شاء الله
يسعدنا خدمتكم

راح يمكن ادزلهم حواله عن طريق مركز الطيف .. ماادري تصير مدري لا

[Samer]

تعتقد إنته في حاجة فعلا إلى تغيير الدومين ؟ .. تعتقد إنه المسألة تسوى هذه الهوسة و الخسائر كلها ؟

[Muntader]

اي والله لان الاسم الحالي بلا معنى وهواي كلولي عليه

سامر اريد رايك بهذا الشرح..اضغط هنا

اذا جان الرابط مخالف امسحه من تشوفه

[Samer]

العزيز.. القضية يحتاجلها خبرة

الشرح بالرابط مالتك يتكلم عن تغيير السيرفر كذلك .. مو بس الدومين

انطيك اسهل خطوتين .. بعد ما تفعيل الدومين الجديد على مساحتك نفسها .. و بدون ما تحذف اي شي..



1- تغيير رابط المنتدى إلى الجديد من خيارات المنتدى (ألوصلات)
2- عمل تحويل من الرابط القديم إلى الرابط الجديد باستخدام الـ Cpanel او لوحة تحكم الموقع (اذا كان عندك)


اذا ما عندك Cpanel لازم تضيف كود معين بالـ .htaccess يقوم بعملية التحويل من الروابط القديمة إلى الروابط الجديدة

الكود يشبه هذا:

#Options +FollowSymLinks
RewriteEngine on
RewriteCond %{HTTP_HOST} ^www.olddomain.com$[OR]
RewriteCond %{HTTP_HOST} ^olddomain.com$
RewriteRule ^(.*)$ http://www.newdomain.com/$1 [R=301,L]

طبعا تخللي الرابط القديم بدل olddomain و الرابط الجديد بدل newdomain

و تفحص شغلك شلونه

اخبار كوكل .. مو كلش مهم .. ما دام الروابط تتحول .. كوكل راح ياخذ الروابط الجديدة بدل القديمة .. و الزوار راح يروحون على الصفحة اللي يريدونها بدون مشاكل

[Muntader]

اي عندي سي بنل كامله للموقع

هسه لاصت عليه مشكلة الدفع

بلكت احلها واردلك الخبر

مشكور سامر

[Muntader]

سامر فد مقترح

اغير الرابط من لوحة تحكم المنتدى ومن السي بنل ومن ادوات مشرفي المواقع بكوكل

عادي؟؟ لو الا شتري دومين جديد؟

[Samer]

سامر فد مقترح

اغير الرابط من لوحة تحكم المنتدى ومن السي بنل ومن ادوات مشرفي المواقع بكوكل

عادي؟؟ لو الا شتري دومين جديد؟

هاااااااااااااااااااا .. يا رابط المصخم تغيره هسة و انته ما عندك الدومين الجديد ؟؟

لازم اول شي تشتري الدومين .. علمود تكدر تدخل للوحة التحكم (مال الدومين) و تغير الـ NameServer مثل ما موجود بالمساحة مالتك و تنتظر فد اسبوع لحد ما يتفعل التغيير بكل العالم .. .. علمود اذا احد طلب الدومين ..يتوجه على مساحتك (سيرفرك) مو يشمره مدري وين

[Muntader]

ههههههههههههه اوكي

هسه المستضيف دلاني على موقع

يفيد بالتحويلات

يجوز يفيدك في يوم من الايام..شوفه من هذا الرابط

دزالي اضافه ضفته واتفاهم وياه بعد حتى اشوف شكد التكاليف. والله كريم